ന്യൂഡെൽഹി: 2021-22 സീസണിലെ ആഭ്യന്തര ക്രിക്കറ്റ് ടൂര്ണമെന്റുകളുടെ തീയതി ബിസിസിഐ പ്രഖ്യാപിച്ചു. പുതിയ സീസണ് ഈ വര്ഷം സെപ്റ്റംബറിലാണ് ആരംഭിക്കുന്നത്. കഴിഞ്ഞ വര്ഷം കോവിഡ് സാഹചര്യത്തിൽ രഞ്ജി ട്രോഫിയടക്കം ഉപേക്ഷിച്ചിരുന്നു. അതേസമയം ആകെ 2127 മൽസരങ്ങൾ ഈ സീസണിൽ ഉണ്ടാകും.
സീനിയര് വനിതകളുടെ ഏകദിന ലീഗായിരിക്കും ഈ വര്ഷത്തെ ആദ്യ ആഭ്യന്തര ടൂര്ണമെന്റ്. സെപ്റ്റംബർ 21നാണ് ടൂർണമെന്റ് ആരംഭിക്കുന്നത്. പിന്നാലെ സീനിയര് വനിതകളുടെ ഏകദിന ചാലഞ്ചര് ട്രോഫിയും നടക്കും.
സെയ്ദ് മുഷ്താഖ് അലി ടി-20 ടൂര്ണമെന്റായിരിക്കും പുരുഷ ക്രിക്കറ്റര്മാരുടെ ആദ്യ ചാമ്പ്യൻഷിപ്പ്. ഒക്ടോബര് 20 മുതലാണ് മൽസരം ആരംഭിക്കുക. ഫൈനല് നവംബര് 12നായിരിക്കും.
അതേസമയം 2021 ഫെബ്രുവരിയിലായിരിക്കും രഞ്ജി ട്രോഫി തുടങ്ങുക. മൂന്നു മാസത്തെ ദൈര്ഘ്യമുള്ളതാണ് ടൂര്ണമെന്റ്. നവംബര് 21 മുതല് 2022 ഫെബ്രുവരി 19 വരെയായിരിക്കും രഞ്ജി ട്രോഫി. കൂടാതെ വിജയ് ഹസാരെ ട്രോഫി 2022 ഫെബ്രുവരി 23 മുതൽ മാർച്ച് 26 വരെയും നടക്കും.
Most Read: ‘പാമ്പാടും ചോലൈ’ തമിഴ് ക്രൈം ത്രില്ലർ ചിത്രം; ടൈറ്റിൽ പോസ്റ്റർ റിലീസായി