പാലക്കാട്: വയലാര് രാമവര്മ്മയുടെ ഇളയമകള് സിന്ധു (54) കോവിഡ് ബാധിച്ച് മരിച്ചു. ശ്വാസതടസം നേരിട്ടതിനെ തുടര്ന്നാണ് ഇന്നലെ രാത്രി സിന്ധുവിനെ പാലക്കാട് സ്വകാര്യ ആശുപത്രിയില് പ്രവേശിപ്പിച്ചത്. ചാലക്കുടിയില് താമസിക്കുന്ന സിന്ധു വൈദ്യ പരിശോധനയുമായി ബന്ധപ്പെട്ടാണ് ഒരാഴ്ച മുമ്പ് പാലക്കാട് എത്തിയത്.
രോഗം ഭേദമായി രണ്ട് ദിവസം മുമ്പ് പാലക്കാട് താമസിക്കുന്ന സഹോദരി ഇന്ദുലേഖയുടെ വീട്ടിലേക്ക് മാറിയിരുന്നു. ഇന്നലെ രാത്രി ശ്വാസ തടസം കൂടിയതിനെ തുടര്ന്ന് വീണ്ടും ആശുപത്രിയിലേക്ക് മാറ്റിയെങ്കിലും മരണപ്പെടുകയായിരുന്നു. മരണശേഷം നടത്തിയ പരിശോധനയിലാണ് കോവിഡ് ബാധ കണ്ടെത്തിയത്.
ഗാനരചയിതാവ് വയലാർ ശരത്ചന്ദ്ര വർമ്മയാണ് സഹോദരൻ. ഇന്ദുലേഖ, യമുന എന്നിവരാണ് സഹോദരിമാർ. കോവിഡ് പ്രോട്ടോക്കോള് പാലിച്ചുകൊണ്ട് സംസ്കാരം പാലക്കാട് വച്ച് നടത്തും.
Read Also: തൃശൂരിലെ ലോക്ക്ഡൗൺ നിയന്ത്രണങ്ങളിലെ ആശങ്ക; വ്യാപാരികൾ മന്ത്രിമാരുമായി ഇന്ന് ചർച്ച നടത്തും