ന്യൂഡെല്‍ഹി: കോവിഡ് വ്യാപനത്തില്‍ മൂന്നാംഘട്ടത്തിലേക്ക് കടന്ന ഡെല്‍ഹിയിലേത് ഗുരുതര സാഹചര്യമെന്ന് വിലയിരുത്തല്‍. പ്രതിദിന കോവിഡ് കേസുകളിലും മരണനിരക്കിലും ഉണ്ടായ റെക്കോര്‍ഡ് വര്‍ധനവ് ഡെല്‍ഹിയില്‍ ആശങ്കക്ക് കാരണമായിരിക്കുക ആണ്.
ഒക്‌ടോബർ 28 ന് ശേഷമാണ് ഡെല്‍ഹിയില്‍ പ്രതിദിന കേസുകളില്‍ വലിയ വര്‍ധനവ് ഉണ്ടായത്. കഴിഞ്ഞ 13 ദിവസത്തിനിടെ 88,124 കേസുകള്‍ 912 മരണവും ഡെല്‍ഹിയില്‍ മാത്രം സ്‌ഥിരീകരിച്ചു. കഴിഞ്ഞ 24 മണിക്കൂറിനിടെ 56,000 ത്തിലധികം പരിശോധനകള്‍ നടന്നു. 13.8 ശതമാനമാണ് പോസിറ്റിവിറ്റി നിരക്ക്. 10 ദിവസത്തിനുള്ളില്‍ മൂന്നാംഘട്ട വ്യാപനം നിയന്ത്രിക്കാന്‍ കഴിയുമെന്ന് മുഖ്യമന്ത്രി അരവിന്ദ് കെജ്‌രിവാൾ പറഞ്ഞു.
Also Read: ‘രാജ്യത്ത് വീണ്ടും അടച്ചിടല്‍’; വ്യാജ പ്രചാരണമെന്ന് കേന്ദ്രം
