ന്യൂഡെല്‍ഹി: ഇന്ത്യയില്‍ ഡിസംബര്‍ ഒന്ന് മുതല്‍ അടച്ചിടല്‍ ആരംഭിക്കുമെന്ന് സമൂഹ മാദ്ധ്യമങ്ങളില്‍ അടക്കം വ്യാപക പ്രചാരണം. കോവിഡിന്റെ രണ്ടാം വരവ് കണക്കിലെടുത്ത് കേന്ദ്ര സര്‍ക്കാര്‍ അടച്ചിടല്‍ പ്രഖ്യാപിച്ചുവെന്ന ട്വീറ്റിന്റെ സഹായത്തോടെയാണ് സന്ദേശങ്ങള്‍ കൈമാറി വന്നത്.
എന്നാല്‍ ഇത് വ്യാജമാണെന്ന് വ്യക്‌തമാക്കി കേന്ദ്ര സര്‍ക്കാര്‍ തന്നെ രംഗത്തെത്തി. പ്രസ് ഇന്‍ഫോര്‍മേഷന്‍ ബ്യൂറോയാണ് ഇത് സംബന്ധിച്ചുള്ള ഔദ്യോഗിക വിശദീകരണം പുറത്ത് വിട്ടത്.
കോവിഡ് രണ്ടാം തരംഗം നേരിടുന്ന യൂറോപ്പിലെ ഫ്രാന്‍സ്, ബ്രിട്ടണ്‍ തുടങ്ങിയ രാജ്യങ്ങള്‍ ലോക്ക് ഡൗണ്‍ ഏര്‍പ്പെടുത്താന്‍ നിര്‍ബന്ധിതരായി. സമാനമായി ഇന്ത്യയിലും ലോക്ക് ഡൗണ്‍ ഏര്‍പ്പെടുത്താന്‍ കേന്ദ്രം തീരുമാനിച്ചുവെന്നാണ് പ്രചാരണം.
A tweet allegedly posted by a prominent media outlet claims that due to the growing number of #COVID19 cases in the country, the Govt. is going to re-impose a nationwide lockdown from 1st December#PIBFactCheck: This tweet is #Morphed. No such decision has been taken by the Govt pic.twitter.com/8Urg7ErmEH
— PIB Fact Check (@PIBFactCheck) November 12, 2020
ഡിസംബര്‍ ഒന്ന് മുതല്‍ ലോക്ക് ഡൗണ്‍ ആരംഭിക്കുമെന്നും ഇതില്‍ പറയുന്നു. ഇത് സംബന്ധിച്ച് ഒരു ട്വീറ്റും സോഷ്യല്‍ മീഡിയയില്‍ പ്രചരിച്ചു. തുടര്‍ന്നാണ് കേന്ദ്ര സര്‍ക്കാര്‍ വിഷയത്തിന്റെ സത്യാവസ്‌ഥ പുറത്തുവിട്ടത്.
പ്രചരിക്കുന്ന ട്വീറ്റ് വ്യാജമാണെന്ന് പ്രസ് ഇന്‍ഫര്‍മേഷന്‍ ബ്യൂറോ പറയുന്നു. ട്വീറ്റ് മോര്‍ഫ് ചെയ്‌താണ് സമൂഹ മാദ്ധ്യമങ്ങളില്‍ പ്രത്യക്ഷപ്പെട്ടത്. സര്‍ക്കാര്‍ അത്തരത്തില്‍ ഒരു തീരുമാനവും ഇതുവരെ കൈക്കൊണ്ടിട്ടില്ലെന്നും പ്രസ് ഇന്‍ഫര്‍മേഷന്‍ ബ്യൂറോ അറിയിച്ചു.
Read Also: ഇഡി ഡയറക്‌ടറുടെ കാലാവധി ഒരുവര്‍ഷം നീട്ടി നല്‍കി കേന്ദ്രം; അസാധാരണ നടപടി
