മലപ്പുറം: ജില്ലയിൽ കോവിഡ് വ്യാപനം വർധിക്കുന്ന സാഹചര്യത്തിൽ നാല് നഗരസഭകളിലെ ഒമ്പത് വാർഡുകളിൽ കർശന ലോക്ക്ഡൗൺ പ്രഖ്യാപിച്ചു. കൂടാതെ, 27 പഞ്ചായത്തുകളിലെ മുപ്പതിലേറെ വാർഡുകളിലും കർശന നിയന്ത്രണങ്ങളും പ്രഖ്യാപിച്ചിട്ടുണ്ട്. ഇന്ന് അർധരാത്രി മുതലാണ് നിയന്ത്രണങ്ങൾ നിലവിൽ വരിക.
നിയന്ത്രണങ്ങൾ ഒരാഴ്‌ച തുടരും. കോട്ടയ്‌ക്കൽ (4,1), മലപ്പുറം (1), നിലമ്പൂർ (32,18,19,28), വളാഞ്ചേരി (20,13) എന്നീ നഗരസഭാ വാർഡുകളിലാണ് ലോക്ക്ഡൗൺ പ്രഖ്യാപിച്ചത്. അതേസമയം, ജില്ലയിൽ ഇന്നലെ 1,695 പേർക്കാണ് കോവിഡ് പോസിറ്റിവ് സ്‌ഥിരീകരിച്ചത്‌. ഇവരിൽ 1,606 പേർക്കും സമ്പർക്കത്തിലൂടെ ആണ് രോഗം ബാധിച്ചത്.
16.51 ശതമാനമാണ് ടെസ്‌റ്റ് പോസിറ്റിവിറ്റി നിരക്ക്. നിലവിൽ ജില്ലയിൽ ചികിൽസയിൽ ഉള്ളവരുടെ എണ്ണം 31,452 ആണ്. 76,141 പേർ നിരീക്ഷണത്തിലും ഉണ്ട്. ജില്ലയിൽ ഇതുവരെ 26.92 ലക്ഷം ഡോസ് വാക്‌സിൻ വിതരണം ചെയ്‌തു.
Read Also: 12 കാരിയെ പീഡിപ്പിച്ച കേസ് ; കളരി ഗുരുക്കൾക്കെതിരെ കൂടുതൽ അന്വേഷണം
