ന്യൂഡെല്‍ഹി: കുടിവെള്ള വിതരണത്തില്‍ ഡെല്‍ഹിയെ വികസിത രാഷ്‌ട്രങ്ങള്‍ക്കൊപ്പം എത്തിക്കുമെന്ന് മുഖ്യമന്ത്രി അരവിന്ദ് കേജ്‌രിവാള്‍. ഈ ലക്ഷ്യത്തിലേക്ക് എത്താന്‍ മേഖലയിലെ പരിചയ സമ്പന്നരായ കണ്‍സള്‍ട്ടന്‍സിയെ നിയോഗിക്കുമെന്നും കേജ്‌രിവാള്‍ കൂട്ടിചേര്‍ത്തു.
എന്നാല്‍ ഡെല്‍ഹിയില്‍ കുടിവെള്ള വിതരണം സ്വകാര്യവത്കരിക്കുന്നു എന്ന ആരോപണങ്ങള്‍ അദ്ദേഹം തള്ളി. ഒരു തുള്ളി വെള്ളം പോലും പഴക്കാതെ കുടിവെള്ള വിതരണം നടപ്പാക്കാനാണ് ശ്രമമെന്ന് അദ്ദേഹം വ്യക്തമാക്കി. പ്രതിപക്ഷം ആരോപിക്കുന്നത് പോലെ സ്വകാര്യവത്കരണം നടപ്പിലാക്കാന്‍ ഇല്ലെന്നും അദ്ദേഹം ഉറപ്പു നല്‍കി.
ഡെല്‍ഹിയിലെ കുടിവെള്ള ലഭ്യത വര്‍ദ്ധിപ്പിക്കാന്‍ ഉത്തരാഖണ്ഡ്, ഉത്തര്‍പ്രദേശ്, ഹിമാചല്‍ പ്രദേശ് എന്നീ സംസ്ഥാനങ്ങളുമായി ചര്‍ച്ച നടത്തി വരികയാണെന്നും ഉടന്‍ തന്നെ തീരുമാനം ഉണ്ടാവുമെന്നും അദ്ദേഹം പറഞ്ഞു.
Read Also: പ്രാണവായു തേടി ഡെല്‍ഹി; മലിനീകരണം അപകടകരമായ രീതിയില്‍ വര്‍ദ്ധിക്കുന്നു
