ന്യൂഡെൽഹി: നികുതിയുടെ പേരിൽ കേന്ദ്രസർക്കാർ ജനങ്ങളെ കൊള്ളയടിക്കുന്നു എന്ന് ആവർത്തിച്ച് കോൺഗ്രസ് നേതാവ് രാഹുൽ ഗാന്ധി. ദീപാവലി സമയത്ത് പണപ്പെരുപ്പം റെക്കോർഡ് ഉയരത്തിൽ എത്തിയെന്നും രാഹുൽ ഗാന്ധി പറഞ്ഞു. ട്വിറ്ററിലൂടെയായിരുന്നു രാഹുലിന്റെ വിമർശനം.
“ദീപാവലിയാണ്. പണപ്പെരുപ്പം റെക്കോർഡ് ഉയരത്തിലാണ്. ഇതൊരു തമാശയാണ്. ജനങ്ങളോട് ആർദ്രത പ്രകടപ്പിക്കുന്ന ഹൃദയം ഇനിയെങ്കിലും മോദി സർക്കാരിന് ഉണ്ടാവട്ടെയെന്ന് ആശംസിക്കുന്നു”- രാഹുൽ ട്വിറ്ററിൽ കുറിച്ചു.
दिवाली है।
महंगाई चरम पर है।
व्यंग्य की बात नहीं है।काश मोदी सरकार के पास जनता के लिए एक संवेदनशील दिल होता।
— Rahul Gandhi (@RahulGandhi) November 3, 2021
ഇന്ധനവില വർധനവുമായി ബന്ധപ്പെട്ട് പോക്കറ്റടിക്കുന്നവരെ സൂക്ഷിക്കുക എന്നും രാഹുൽ ട്വീറ്റ് ചെയ്തു. രാജ്യത്തിന്റെ പല ഭാഗത്തും പെട്രോൾ വില ലിറ്ററിന് 120 രൂപയും കടന്ന് കുതിച്ചതോടെയാണ് രാഹുലിന്റെ ട്വീറ്റ്.
Read also: മുല്ലപ്പെരിയാർ; സ്പിൽവേ ഷട്ടറുകൾ കൂടുതൽ ഉയർത്തി