തിരുവനന്തപുരം: വിദ്യാർഥികൾ ട്രാൻസ്ഫർ സർട്ടിഫിക്കറ്റ് (ടിസി) ആവശ്യപ്പെട്ടാൽ സ്കൂൾ അധികൃതർ അത് നിഷേധിക്കരുതെന്ന് മന്ത്രി വി ശിവൻകുട്ടി. വിദ്യാഭ്യാസ അവകാശ നിയമപ്രകാരം വിദ്യാർഥി ആവശ്യപ്പെട്ടാൽ ടിസി നൽകാൻ എല്ലാ സ്ഥാപനങ്ങൾക്കും ബാധ്യതയുണ്ട്. ചില അൺഎയ്ഡഡ് വിദ്യാഭ്യാസ സ്ഥാപനങ്ങൾ ടിസി നിഷേധിക്കുന്നതായി പരാതി ലഭിച്ചിട്ടുണ്ടെന്നും മന്ത്രി പറഞ്ഞു.
ടിസി കിട്ടാത്ത വിദ്യാർഥിയുടെ യുഐഡി, പഠിക്കാൻ ആഗ്രഹിക്കുന്ന സ്ഥാപനത്തിലേക്ക് മാറ്റാൻ പൊതുവിദ്യാഭ്യാസ ഡയറക്ടർ ഉത്തരവിട്ടിട്ടുണ്ട്.
അതേസമയം, കോവിഡ് കാലത്തും ചില അൺഎയ്ഡഡ് വിദ്യാഭ്യാസ സ്ഥാപനങ്ങൾ ഉയർന്ന ഫീസ് ഈടാക്കുന്നുവെന്ന പരാതിയും ഉയർന്നിട്ടുണ്ട്. ഇല്ലാത്ത കലാകായിക പ്രവർത്തനത്തിനും ഫീസ് ഈടാക്കുന്നു. പ്രത്യേക സാഹചര്യത്തിൽ ഇത്തരം പ്രവർത്തനങ്ങളിൽ നിന്നും മാനേജ്മെന്റുകൾ പിൻമാറണമെന്നും വിദ്യാഭ്യാസമന്ത്രി അഭ്യർഥിച്ചു.
Most Read: സംസ്ഥാനത്ത് 5.38 ലക്ഷം ഡോസ് കോവിഡ് വാക്സിൻ കൂടി എത്തിച്ചു; ആരോഗ്യമന്ത്രി