കോഴിക്കോട്: ജില്ലയിലെ പെരുമുണ്ടച്ചേരിയില് അഞ്ച് വയസുകാരി ഉൾപ്പടെ മൂന്ന് പേർക്ക് പേപ്പട്ടിയുടെ കടിയേറ്റു. പുറമേരി പഞ്ചായത്തിലെ അരൂര് പെരുമുണ്ടച്ചേരിയിലെ മഠത്തുംകണ്ടി രവീന്ദ്രന്റെ മകള് നിഹ (5), കൈതക്കണ്ടി ബഷീറിന്റെ മകള് റാനിയ പര്വീന് (14), മലയില് സുബൈറിന്റെ മകന് റംഷാദ് (20) എന്നിവര്ക്കാണ് കടിയേറ്റത്. നിഹയെ തലശ്ശേരി ഗവണ്മെന്റ് ആശുപത്രിയിലും മറ്റ് രണ്ട് പേരെ വടകര ഗവണ്മെന്റ് ജില്ലാ ആശുപത്രിയിലും പ്രവേശിപ്പിച്ചു.
ശനിയാഴ്ച രാവിലെയാണ് റാനിയ പര്വീന് നേരെ പേപ്പട്ടിയുടെ അക്രമമുണ്ടായത്. വീടിനകത്തു വച്ചാണ് റാനിയ പര്വീനും, റംഷാദിനും പേപ്പട്ടിയുടെ കടിയേറ്റത്. ഇരുവരും വീട്ടിൽ ഉറങ്ങി കിടക്കുകയായിരുന്നു.
റാനിയ പര്വീന്റെ കൈക്കും, മുഖത്തുമാണ് കടിച്ച് പരിക്കേൽപ്പിച്ചത്. വീടിന്റെ മുറ്റത്ത് നില്ക്കുമ്പോഴാണ് രവീന്ദ്രന്റെ മകള് നിഹക്ക് പട്ടിയുടെ കടിയേറ്റത്. നിഹയുടെ കൈക്ക് ആഴത്തിൽ കടിയേറ്റിട്ടുണ്ട്.
Malabar News: കോവിഡ്; കോഴിക്കോട് 12 തദ്ദേശ സ്വയംഭരണ സ്ഥാപനങ്ങൾ അതീവ ഗുരുതര മേഖല