കോഴിക്കോട്: കോവിഡിന്റെ പേരിൽ ചെറുകിട കച്ചവടക്കാരെ ദ്രോഹിക്കുന്ന നടപടിക്കെതിരെ വ്യാപാരി വ്യവസായി ഏകോപന സമിതിയുടെ യൂത്ത്‌വിംഗിന്റെ പെരുന്നാള്‍ ദിനത്തിലെ ‘വീട്ടുപടി പ്രതിഷേധം ‘ നാളെ നടക്കും. അവരവരുടെ വീട്ടുപടിക്കൽ നടക്കുന്ന പ്രതിഷേധ പരിപാടിയിൽ ജില്ലയിലെ മുഴുവൻ വ്യപാരികളും അവരുടെ കുടുംബാംഗങ്ങളും പങ്കെടുക്കും; ജില്ലാ യൂത്ത്വിംഗ് ഭാരവാഹികൾ അറിയിച്ചു.
വൻകിട ഓൺലൈൻ കമ്പനികളായ ഫ്‌ളിപ്പ്കാർട്ട്, ആമസോൺ പോലുള്ള കുത്തകകൾക്ക് വ്യപാരം ചെയ്യാമെന്നും അവരുടെ സാധനങ്ങൾ വിതരണം ചെയ്യുന്ന കൊറിയർ കമ്പനികൾക്ക് നാടുനീളെ സുഖമമായി പ്രവർത്തിക്കാമെന്നും എന്നാൽ, ചെറുകിട കച്ചവടക്കാർ കടകളടച്ച് വീട്ടിലിരിക്കണമെന്നുമുള്ള സർക്കാരിന്റെ ഇരട്ട നീതിക്കെതിരെയാണ് പ്രതിഷേധം.
വ്യാപാരികളെയും തൊഴിലാളികളെയും ആത്‍മഹത്യയിൽ നിന്ന് സംരക്ഷിക്കുക, ബാങ്ക് വായ്‌പകൾക്ക് പലിശരഹിത മൊറൊട്ടോറിയം അനുവദിക്കുക, വിവിധ ലൈസൻസുകൾ താൽകാലികമായി ഒഴിവാക്കുക, മുൻഗണനാ ലിസ്‌റ്റിൽ ഉൾപ്പെടുത്തി സൗജന്യ വാക്‌സിനേഷൻ വ്യാപാരികൾക്കും നൽകുക, ലോക് ഡൗൺ കാലയളവിൽ അടച്ചിട്ട കടകളുടെ വാടക ഒഴിവാക്കുക എന്നീ ആവശ്യങ്ങൾ ഉന്നയിച്ചാണ് പ്രതിഷേധമെന്ന് ജില്ലാ യൂത്ത്വിംഗ് പുറത്തിറക്കിയ പത്രക്കുറിപ്പിൽ പറഞ്ഞു.
ജില്ലാ പ്രസിഡണ്ട് മനാഫ് കാപ്പാട്, സെക്രട്ടറി സലീം രാമനാട്ടുകര, സിറ്റി വിംഗ് പ്രസിഡണ്ട് എംപി റുൻഷാദലി, ജില്ലാ ട്രഷറർ മുർതാസ് തുടങ്ങിയ യൂത്ത്വിംഗ് നേതാക്കൾ പ്രതിഷേധം ഏകോപിപ്പിക്കും.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
