തിരുവനന്തപുരം: ഡോ. വിശ്വാസ് മേത്ത മുഖ്യവിവരാവകാശ കമ്മീഷണറായി ചുമതലയേറ്റു. രാജ്ഭവനില് നടന്ന ചടങ്ങില് ഗവര്ണര് ആരിഫ് മുഹമ്മദ് ഖാന് സത്യവാചകം ചൊല്ലിക്കൊടുത്തു. മന്ത്രി കെ രാജു, ചീഫ് സെക്രട്ടറി ഡോ. വിപി ജോയ്, സംസ്ഥാന പോലീസ് മേധാവി ലോക്നാഥ് ബെഹ്റ, വിവിധ സെക്രട്ടറിമാര്, വിവരാവകാശ കമ്മീഷണര്മാര് തുടങ്ങിയവരും ചടങ്ങിൽ സംബന്ധിച്ചു.
കഴിഞ്ഞ ദിവസമാണ് വിശ്വാസ് മേത്ത ചീഫ് സെക്രട്ടറിയായി പദവിയില് നിന്ന് വിരമിച്ചത്. ആഭ്യന്തര വകുപ്പിലെ അഡീഷണല് ചീഫ് സെക്രട്ടറി, ആരോഗ്യം,വിദ്യാഭ്യാസം, റവന്യു, ജലവിഭവ വകുപ്പുകളുടെ മേധാവി തുടങ്ങിയ പദവികളും വഹിച്ചിട്ടുള്ള ഇദ്ദേഹം രാജസ്ഥാന് സ്വദേശിയാണ്.
Read also: വാഹനപണിമുടക്ക്; എസ്എസ്എല്സി, ഹയര്സെക്കന്ഡറി മോഡല് ഉൾപ്പടെ വിവിധ പരീക്ഷകള് മാറ്റി