റിയാദ്: സൗദി അറേബ്യയിലെ അബഹ അന്താരാഷ്ട്ര വിമാനത്താവളത്തിനു നേരെ യമൻ വിമത സായുധ സംഘമായ ഹൂതികളുടെ ഡ്രോൺ ആക്രമണ ശ്രമം. തിങ്കളാഴ്ച വൈകിട്ട് നടന്ന ആക്രമണത്തെ സൗദി നേതൃത്വത്തിലുള്ള സഖ്യസേന നേരിട്ട് പരാജയപ്പെടുത്തി.
ആക്രമണത്തിൽ ആളപായമോ പരിക്കുകളോ ഇല്ല. അതേസമയം ഡ്രോൺ തടുത്തതിനെ തുടർന്ന് ചീളുകൾ പതിച്ച് വിമാനത്താവള കോമ്പൗണ്ടിലും ഗ്രൗണ്ട് സർവീസ് നടത്തുന്ന ചില വാഹനങ്ങൾക്കും കേടുപാടുകൾ ഉണ്ടായിട്ടുണ്ട്.
ഹൂതികൾ ഇറാന്റെ പിന്തുണയോടെ നിരപരാധികളായ സാധാരണ ജനങ്ങളെ ലക്ഷ്യമിട്ട് മനഃപൂർവ്വം ആക്രമണം നടത്താൻ ശ്രമിക്കുകയാണെന്ന് സഖ്യസേനാ വക്താവ് പറഞ്ഞു. ഇത്തരം ഭീകരവും അധാർമികവുമായ നീക്കങ്ങളെ സഖ്യസേന നേരിട്ട് തകർക്കുക തന്നെ ചെയ്യുമെന്നും വക്താവ് കൂട്ടിച്ചേർത്തു.
Read Also: ഇന്ത്യയിലെ കോവിഡിന്റെ പുതിയ വകഭേദം ആശങ്ക ഉയര്ത്തുന്നത്; മുന്നറിയിപ്പുമായി ലോകാരോഗ്യ സംഘടന