കോഴിക്കോട്: നഗരത്തിൽ വീണ്ടും ലഹരിമരുന്ന് വേട്ട. സംഭവത്തിൽ മലാപ്പറമ്പ് സ്വദേശി അക്ഷയ്, കണ്ണൂർ ചെറുകുന്നിലെ ജാസ്മിൻ എന്നിവരെ മെഡിക്കൽ കോളേജ് പരിസരത്തെ ലോഡ്ജിൽ നിന്ന് പോലീസ് പിടികൂടി.
എംഡിഎംഎ, കഞ്ചാവ് തുടങ്ങിയവ സഹിതമാണ് പ്രതികളെ പിടികൂടിയത്. ലഹരിമരുന്നിന് ഉപയോഗിക്കുന്ന സിറിഞ്ചും കണ്ടെടുത്തിട്ടുണ്ട്.
അസിസ്റ്റന്റ് കമ്മീഷണർ കെ സുദർശന്റെ നേതൃത്വത്തിൽ ഇന്ന് പുലർച്ചെയാണ് മെഡിക്കൽ കോളേജ് സബ് ഡിവിഷൻ പരിധിയിലെ ലോഡ്ജുകളിൽ സ്ക്വാഡ് പരിശോധന നടത്തിയത്. മെഡിക്കൽ കോളേജ് എസ്ഐമാരായ എ രമേഷ് കുമാർ, വിവി ദീപ്തി തുടങ്ങിയവരും അന്വേഷണ സംഘത്തിൽ ഉണ്ടായിരുന്നു.
Malabar News: തലശ്ശേരിയിലെ മതവിദ്വേഷ പ്രകടനം; ആര്എസ്എസ് പ്രവര്ത്തകര് അറസ്റ്റിൽ