തിരുവനന്തപുരം: മുഖ്യമന്ത്രി പിണറായി വിജയന്റെ പേര് പറയാൻ സ്വർണക്കടത്ത് കേസ് പ്രതി സ്വപ്‌ന സുരേഷിനെ എൻഫോഴ്‌സ്‌മെന്റ് ഡയറക്‌ടറേറ്റ്‌ നിർബന്ധിച്ചതായി വനിതാ സിപിഓയുടെ മൊഴി. സ്വപ്‌നയുടെ എസ്‌കോർട്ട് ഡ്യൂട്ടിയിലുണ്ടായിരുന്ന സിജി വിജയനാണ് ഇഡിക്കെതിരെ ഗുരുതരമായ മൊഴി നൽകിയത്.
നിർബന്ധിച്ച് മൊഴി പറയിപ്പിക്കുന്നത് ശ്രദ്ധയിൽപ്പെട്ടുവെന്നും ഏറ്റവും നിർബന്ധപൂർവം മൊഴിപറയിപ്പിച്ചത് രാധാകൃഷ്‌ണൻ എന്ന ഉദ്യോഗസ്‌ഥനാണെന്നും സിജിയുടെ മൊഴി പകർപ്പിൽ പറയുന്നുണ്ട്. സ്വപ്‌നയുടെ ശബ്‌ദരേഖയുമായി ബന്ധപ്പെട്ട അന്വേഷണത്തിലാണ് സിജി മൊഴി നൽകിയത്.
ഡോളർ കടത്ത് കേസിൽ മുഖ്യമന്ത്രി പിണറായി വിജയനും സ്‌പീക്കർക്കും ചില മന്ത്രിമാർക്കും പങ്കുണ്ടെന്ന സ്വപ്‌നയുടെ രഹസ്യമൊഴി നേരത്തെ പുറത്തുവന്നിരുന്നു. കസ്‌റ്റംസ്‌ കോടതിയിൽ നൽകിയ സത്യവാങ്മൂലത്തിലാണ് മുഖ്യമന്ത്രിയുടെ പേരും പരാമർശിച്ചത്.
Read Also: സെക്കന്‍ഡ് ഷോക്ക് അനുമതി; തിയേറ്ററുകളുടെ സമയ നിയന്ത്രണത്തില്‍ ഇളവ്
