കണ്ണൂർ: ജില്ലയിലെ പയ്യാവൂരിൽ വില്ലേജ് ഓഫീസ് ജീവനക്കാരനെ തൂങ്ങി മരിച്ച നിലയിൽ കണ്ടെത്തി. കുന്നത്തൂർ സ്വദേശി രാജേന്ദ്രനാണ് (55) മരിച്ചത്. ചുഴലി വില്ലേജ് ഓഫീസ് ജീവനക്കാരനായ ഇയാളെ പയ്യാവൂരിലെ വില്ലേജ് ഓഫീസിന് മുന്നിലാണ് മരിച്ച നിലയിൽ കണ്ടെത്തിയത്. ഇന്ന് പുലർച്ചയോടെയാണ് മൃതദേഹം കണ്ടെത്തിയത്.
ചുഴലി വില്ലേജ് ഓഫീസ് ജീവനക്കാരനായ രാജേന്ദ്രൻ, ടെണ്ടർ ജോലികൾക്കും മറ്റുമായി പയ്യാവൂരിലെ ഓഫീസിലെത്താറുണ്ട്. മദ്യപാനശീലം ഉള്ളയാളാണ് ഇദ്ദേഹമെന്നാണ് വിവരം. ആത്‍മഹത്യ ആണെന്നാണ് സംശയം. എന്നാൽ, സാമ്പത്തിക പ്രയാസങ്ങളാണോ കുടുംബ പ്രശ്‌നങ്ങളാണോ ഇതിലേക്ക് നയിച്ചതെന്ന് വ്യക്‌തമല്ല. സംഭവത്തിൽ പയ്യാവൂർ പോലീസ് അന്വേഷണം ആരംഭിച്ചു.
Most Read| നിപ; സ്‌കൂൾ, ബാങ്ക് എന്നിവ പ്രവർത്തിക്കില്ല- കണ്ടെയ്‌ൻമെന്റ് സോണിലെ നിയന്ത്രണങ്ങൾ
