നീലേശ്വരം: വടക്കേ മലബാറിന്റെ കായിക സ്വപ്നങ്ങൾക്ക് വേഗം പകരാൻ നീലേശ്വരം ഇഎംഎസ് സ്റ്റേഡിയം ജനുവരി 25ന് നാടിന് സമർപ്പിക്കും. വൈകീട്ട് നാലിന് മന്ത്രി ഇ പി ജയരാജനാണ് ഉൽഘാടനം ചെയ്യുക. പുത്തരിയടുക്കത്ത് സ്ഥിതി ചെയ്യുന്ന സ്റ്റേഡിയം അത്യാധുനിക സൗകര്യമുള്ള ജില്ലയിലെ ഏക സ്റ്റേഡിയമാണ്.
2006ൽ വിഎസ് സര്ക്കാറിന്റെ കാലത്ത് തുടക്കം കുറിച്ച സ്റ്റേഡിയം പദ്ധതി എൽഡിഎഫ് സര്ക്കാരാണ് യാഥാർഥ്യമാക്കിയത്. ഈ സർക്കാരിന്റെ ആദ്യ ബജറ്റില് പണം വകയിരുത്തുകയും കിഫ്ബി മുഖേന അനുവദിച്ച 18 കോടി രൂപ ചെലവിൽ സ്റ്റേഡിയം നിര്മിക്കുകയും ചെയ്തു. നാല് നിലകളിലായി പവലിയന് കെട്ടിടം, ഫുട്ബോള് ഗ്രൗണ്ട്, ബാസ്കറ്റ് ബോള് കോര്ട്ട്, നീന്തല്കുളം, എട്ടു വരിയിൽ 400 മീറ്റര് സിന്തറ്റിക് ട്രാക്ക് എന്നിവ അടങ്ങിയതാണ് സ്റ്റേഡിയം.
Read Also: രണ്ടാംഘട്ട കോവിഡ് വാക്സിന്; കേരളത്തിലേക്ക് ഉള്ളവ നെടുമ്പാശ്ശേരിയില് എത്തി