ന്യൂഡെൽഹി: രാജ്യത്തെ എംപ്‌ളോയീസ് പ്രൊവിഡന്റ് ഫണ്ട് നിക്ഷേപങ്ങൾക്കുള്ള 2021-22 സാമ്പത്തിക വർഷത്തെ പലിശ നിരക്ക് 8.5ൽ നിന്ന് 8.1 ശതമാനമായി കുറച്ചു. എംപ്‌ളോയീസ് പ്രൊവിഡന്റ് ഫണ്ട് ഓർഗനൈസേഷൻ കേന്ദ്ര തൊഴിൽ മന്ത്രാലയം വഴി നൽകിയ ശുപാർശ കേന്ദ്ര ധനമന്ത്രാലയം അംഗീകരിക്കുക ആയിരുന്നു.
നിരക്ക് കുറയ്‌ക്കുന്നതിലൂടെ ഇപിഎഫ്ഒയ്‌ക്ക് 450 കോടി രൂപയോളം രൂപ മിച്ചം ലഭിക്കും. കോവിഡ് വ്യാപനത്തിന് തൊട്ടുമുൻപ് 2018-19 കാലയളവിലാണ് പലിശ നിരക്ക് 8.65 ശതമാനത്തിൽ നിന്ന് ഏഴു വർഷത്തെ ഏറ്റവും കുറഞ്ഞ നിരക്കായ 8.5 ശതമാനമാക്കി നിശ്‌ചയിച്ചത്. കോവിഡ് മൂലം 2020-21 സാമ്പത്തിക വർഷം നിരക്കിൽ മാറ്റം വരുത്തിയിരുന്നില്ല.
Read Also: വിദ്യാർഥികളെ കയറ്റിയില്ലെങ്കിൽ ബസുടമക്ക് എതിരെ നടപടിയെന്ന് എംവിഡി
