തിരുവനന്തപുരം: പൊതുമരാമത്ത് വകുപ്പിന്റെ ഉടമസ്ഥതയിലുള്ള റസ്റ്റ് ഹൗസുകളിൽ പൊതുജനങ്ങൾക്ക് ഓൺലൈൻ ബുക്കിംഗ് സംവിധാനം ഏർപ്പെടുത്തിയ പദ്ധതി വൻവിജയമാണെന്ന് മന്ത്രി മുഹമ്മദ് റിയാസ് അറിയിച്ചു. നവംബർ ഒന്നിന് തുടങ്ങിയ ഓൺലൈൻ ബുക്കിംഗ് സൗകര്യം ഇന്നലെ വരെ 991 പേർ പ്രയോജനപ്പെടുത്തിയെന്നും ഇതിലൂടെ 5,76,927 രൂപ വരുമാനമായി ലഭിച്ചെന്നും പൊതുമരാമത്ത് മന്ത്രി നിയമസഭയിൽ അറിയിച്ചു.
പൊതുമരാമത്ത് വകുപ്പ് പദ്ധതികളുടെ പുരോഗതി വിലയിരുത്താൻ പ്രൊജക്ട് മാനേജ്മെന്റ് സിസ്റ്റം ഉടൻ നടപ്പിലാക്കുമെന്നും ഇതിലൂടെ പദ്ധതികൾ സുതാര്യമാകുമെന്നും പൊതുമരാമത്ത് മന്ത്രി വ്യക്തമാക്കി. ഈ സംവിധാനം വഴി പദ്ധതികളുടെ എല്ലാ വിവരങ്ങളും പൊതുജനങ്ങൾക്ക് ലഭ്യമാകും. പൊതുമരാമത്ത് ജോലികളുടെ കാലതാമസം ഒഴിവാക്കാനും സമയബന്ധിതമായി പൂർത്തീകരിക്കാനും വർക്കിംഗ് കലണ്ടർ തയ്യാറാക്കുമെന്നും മന്ത്രി അറിയിച്ചു.
Read Also: പഴകിയ കപ്പലണ്ടി മിഠായി; വിതരണം ചെയ്തത് തിരുവനന്തപുരം, കൊല്ലം ജില്ലകളിൽ