തിരുവനന്തപുരം: സംസ്ഥാനത്ത് ഹൈ റിസ്ക് പട്ടികയിൽ പെടാത്ത രാജ്യങ്ങളിൽ നിന്നെത്തിയ മൂന്ന് പേർക്ക് ഒമൈക്രോൺ സ്ഥിരീകരിച്ചതോടെ അതിജാഗ്രതാ നിർദ്ദേശം നൽകി ആരോഗ്യവകുപ്പ്. വിദേശത്ത് നിന്നെത്തുന്നവരിൽ ക്വാറന്റെയ്ൻ ആവശ്യമില്ലാത്തവർ സ്വയം നിരീക്ഷണം കർശനമാക്കണമെന്നും ആരോഗ്യവകുപ്പ് നിർദ്ദേശം നൽകി.
യുഎഇയിൽ നിന്നും എറണാകുളത്ത് എത്തിയ ദമ്പതികൾക്കാണ് ഇന്നലെ രോഗം സ്ഥിരീകരിച്ചത്. ഇരുവരുടെയും പ്രാഥമിക സമ്പർക്ക പട്ടികയിൽ ഏഴ് പേരുണ്ട്. ഇവരുടെ കോവിഡ് പരിശോധന ഇന്ന് നടത്തും. യുഎഇ റിസ്ക് രാജ്യമല്ലാത്തതിനാൽ ക്വാറന്റെയ്ൻ നിഷ്കർഷിച്ചിരുന്നില്ല. ഇതുവരെ ഏഴ് പേർക്കാണ് സംസ്ഥാനത്ത് ഒമൈക്രോൺ സ്ഥിരീകരിച്ചിരിക്കുന്നത്.
Also Read: ഭാര്യമാർക്ക് തുല്യപരിഗണന നൽകിയില്ലെങ്കിൽ വിവാഹമോചനം അനുവദിക്കാം; ഹൈക്കോടതി