മലപ്പുറം: പൊന്നാനി നഗരസഭയിലെ ഈഴുവതിരുത്തി മണ്ഡലം കോൺഗ്രസ് കമ്മിറ്റി 25 കിലോമീറ്റർ പദയാത്ര സംഘടിപ്പിച്ചു. കോൺഗ്രസ് മണ്ഡലം പ്രസിഡണ്ട് നബീൽ നൈതല്ലൂരാണ് ജാഥക്ക് നേതൃത്വം നൽകിയത്.
നാഥുറാം വിനായക് ഗോഡ്സെയുടെ കരങ്ങളാല് 1948 ജനുവരി 30ന് രാഷ്ട്രപിതാവ് മഹാത്മാ ഗാന്ധി രക്തസാക്ഷിത്വം വരിച്ചതിന്റെ 72ആം വാർഷികം ആചരിക്കുന്നതിന്റെ ഭാഗമായും കെപിസിസിയുടെ നൂറാം വാർഷികത്തോട് അനുബന്ധിച്ചും നടത്തിയതായിരുന്നു പദയാത്ര. 100 കണക്കിന് പ്രവർത്തകരാണ് ജാഥയെ അനുഗമിച്ചത്; നബീൽ നൈതല്ലൂർ പറഞ്ഞു.
ജാഥാക്യാപ്റ്റൻ നബീൽ നൈതല്ലൂരിന് മുൻ എംപി സി ഹരിദാസ് പതാക നൽകി ഉൽഘാടനം ചെയ്തു. സമാപന പൊതുയോഗം കെപിസിസി എക്സിക്യൂട്ടീവ് അംഗം വി സെയ്ദ് മുഹമ്മദ് തങ്ങളാണ് ഉൽഘാടനം ചെയ്തത്.
Most Read: രാജസ്ഥാൻ മുൻസിപ്പൽ തിരഞ്ഞെടുപ്പ്; കോൺഗ്രസിന് മുന്നേറ്റം, ബിജെപിക്ക് തിരിച്ചടി