ന്യൂഡെല്ഹി: കര്ഷക സംഘടനകളുമായുള്ള യോഗത്തിന് പ്രധാനമന്ത്രി നേതൃത്വം നല്കണമെന്ന് കര്ഷകര്. 507 കര്ഷക സംഘടനകളുടെയും പ്രതിനിധികളെ യോഗത്തില് പങ്കെടുപ്പിക്കണം. പ്രധാനമന്ത്രി ക്ഷണിക്കും വരെ ചര്ച്ചക്കില്ലെന്ന് പഞ്ചാബ് കിസാന് സംഘര്ഷ് സമിതി അറിയിച്ചു. കേന്ദ്രസര്ക്കാര് കര്ഷക സംഘടനകളെ പരസ്പരം ഭിന്നിപ്പിക്കാന് ശ്രമിക്കുകയാണെന്നും ഇവര് വ്യക്തമാക്കി.
അതേസമയം, കര്ഷക സംഘടന നേതാക്കളുമായി കേന്ദ്ര മന്ത്രിമാരായ നരേന്ദ്ര സിങ് തോമര്, പീയുഷ് ഗോയല് എന്നിവരുടെ നേതൃത്വത്തിലുള്ള രണ്ടാം വട്ട ചര്ച്ച ഇന്ന് നടക്കും. കേന്ദ്ര ആഭ്യന്തര മന്ത്രി അമിത് ഷാ, പഞ്ചാബ് മുഖ്യമന്ത്രി ക്യാപ്റ്റന് അമരീന്ദര് സിങുമായി കൂടിക്കാഴ്ച നടത്തും. വിവാദ ബില്ല് എടുത്തുകളയാതെ പിന്നോട്ടില്ലെന്ന നിലപാടിലാണ് കര്ഷകര്.
Read also: ഒത്തുതീര്പ്പിന് കേന്ദ്രം; പിന്നോട്ടില്ലെന്ന് കര്ഷകര്