ന്യൂഡെല്ഹി: വെസ്റ്റ് ഡെല്ഹിയിലെ വികാസ്പുരിയിലെ യുകെ നഴ്സിംഗ് ഹോമില് തീപിടുത്തം. വ്യാഴാഴ്ച രാത്രി 11ഓടെയാണ് തീപിടുത്തമുണ്ടായത്. ഫയര് ഫോഴ്സ് യൂണിറ്റ് എത്തി തീയണച്ചതായി അധികൃതര് അറിയിച്ചു. ആർക്കും അപകടത്തിൽ പരിക്കില്ല.
17 കോവിഡ് രോഗികള് അടക്കം 27 രോഗികളാണ് സംഭവ സമയം നഴ്സിംഗ് ഹോമില് ഉണ്ടായിരുന്നത്. തീപിടുത്തം ഉണ്ടായപ്പോള് തന്നെ രോഗികളെ സുരക്ഷിതരായി സമീപത്തെ ആശുപത്രികളിലേക്ക് മാറ്റിയതായി അധികൃതർ അറിയിച്ചു.
ഒന്നാം നിലയിലെ സ്റ്റോര് റൂമിലുണ്ടായ ഷോര്ട്ട് സര്ക്യൂട്ടാണ് തീപിടുത്തത്തിന് കാരണമെന്നാണ് പ്രാഥമിക നിഗമനം. എട്ട് ഫയര് ഫോഴ്സ് യൂണിറ്റ് എത്തിയാണ് തീയണച്ചത്.
Read Also: എന്ഡിഎയില് കലാപം; ബിഡിജെഎസ് മുന്നണി വിട്ടേക്കും