കൊച്ചി: കോടികള് വിലവരുന്ന മയക്കുമരുന്നുമായി വിദേശ വനിതയെ കൊച്ചി രാജ്യാന്തര വിമാനത്താവളത്തില് നിന്നും പിടികൂടി. ഖത്തര് എയര്വേയ്സ് വിമാനത്തില് എത്തിയ സിംബാബ്വെ സ്വദേശി ഷാരോണ് ചിക്ക്വാസെ ആണ് പിടിയിലാത്. ദോഹ വഴിയാണ് ഇവർ കൊച്ചിയിലെത്തിയത്.
ബാഗേജ് പരിശോധനയിലാണ് യുവതി നാര്ക്കോട്ടിക്സ് കണ്ട്രോള് ബ്യൂറോയുടെ പിടിയിലാകുന്നത്. ദോഹയില് നിന്നെത്തിയ ഇവര് ബെംഗളൂരുവിലേക്ക് കടക്കാനുള്ള ശ്രമത്തിൽ ആയിരുന്നു. യുവതിയെ കസ്റ്റഡിയിൽ എടുത്തതായി അധികൃതർ അറിയിച്ചു.
അതേസമയം മൂന്നരക്കിലോ വരുന്ന മയക്കുമരുന്ന് എന്താണെന്ന് പരിശോധിക്കുന്നതിനായി ലാബിലേക്ക് അയച്ചിരിക്കുകയാണ്. കൊളംബിയന് കൊക്കെയിന് ആണെന്നാണ് നാര്ക്കോട്ടിക്സ് കണ്ട്രോള് ബ്യൂറോയുടെ പ്രാഥമിക നിഗമനം.
മയക്കുമരുന്ന് ബെംഗളൂരുവിലും ഡെല്ഹിയിലും എത്തിച്ച് വില്പന നടത്താനായിരുന്നു ഇവർ പദ്ധതി ഇട്ടിരുന്നതെന്നാണ് സൂചന. ഇടപാടിന് പിന്നില് കൂടുതല് ആളുകളുണ്ടെന്നാണ് കരുതുന്നത്.
Most Read: വെല്ലുവിളി ഏറ്റെടുത്ത് പിടി തോമസ്; കിറ്റക്സിന് മറുപടി ചൊവ്വാഴ്ച