ജയ്പൂർ : കോവിഡ് ബാധയെ തുടർന്ന് രാജസ്ഥാൻ മുൻ മുഖ്യമന്ത്രിയും മുതിർന്ന കോൺഗ്രസ് നേതാവുമായ ജഗന്നാഥ് പഹാഡിയ അന്തരിച്ചു. 89 വയസായിരുന്നു. 1980-81ലാണ് അദ്ദേഹം മുഖ്യമന്ത്രിയായി സേവനമനുഷ്ഠിച്ചത്. ഒപ്പം തന്നെ ഹരിയാന, ബിഹാർ എന്നിവിടങ്ങളിൽ ഗവർണറായും ജഗന്നാഥ് പഹാഡിയ പ്രവർത്തിച്ചിട്ടുണ്ട്.
കോവിഡ് സ്ഥിരീകരിച്ച അദ്ദേഹം കഴിഞ്ഞ ദിവസങ്ങളിൽ ചികിൽസയിൽ കഴിയുകയായിരുന്നു. തുടർന്ന് ഡെൽഹിയിലെ സ്വകാര്യ ആശുപത്രിയിൽ വച്ച് ഇന്നലെ രാത്രിയോടെയാണ് മരണം സംഭവിച്ചത്. നിലവിൽ അദ്ദേഹത്തിന്റെ ഭാര്യയും ആശുപത്രിയിൽ ചികിൽസയിൽ കഴിയുകയാണ്.
പഹാഡിയയുടെ വിയോഗത്തിൽ മുഖ്യമന്ത്രി അശോക് ഗെലോട്ട് അനുശോചനം അറിയിച്ചു. കൂടാതെ അദ്ദേഹത്തിന്റെ വിയോഗത്തെ തുടർന്ന് സംസ്ഥാനത്ത് ഒരു ദിവസത്തെ ദുഃഖാചരണവും പ്രഖ്യാപിച്ചിട്ടുണ്ട്.
Read also : ‘ക്ഷമ പരീക്ഷിക്കരുത്’; കേന്ദ്ര സർക്കാരിനോട് കർഷകർ