മസ്‌ക്കറ്റ്: ഒമാനിൽ 150 കിലോയിലധികം ലഹരിമരുന്നുമായി 4 വിദേശികൾ പിടിയിൽ. റോയൽ ഒമാൻ പോലീസാണ് ലഹരിമരുന്ന് പിടികൂടിയത്. പ്രതികളില്‍ രണ്ടുപേരെ കടലില്‍ നിന്നും മറ്റുള്ളവരെ തീരത്ത് നിന്നുമാണ് അറസ്‌റ്റ് ചെയ്‌തത്.
വടക്കന്‍ ബത്തിന ഗവര്‍ണറേറ്റ് പോലീസ് കമാന്‍ഡ് കോസ്‌റ്റ് ഗാര്‍ഡ് പോലീസ് ബോട്ടുകളും, ഒമാന്‍ റോയല്‍ എയര്‍ഫോഴ്‌സും സംയുക്‌തമായാണ് പ്രതികളെ പിടികൂടിയത്. ഇവരുടെ പക്കൽ നിന്നും 121 കിലോഗ്രാം ഹാഷിഷ്, 33 കിലോഗ്രാം ക്രിസ്‌റ്റല്‍ മയക്കുമരുന്ന്, 10 കിലോഗ്രാം മോര്‍ഫിന്‍, 1,46,850 ലഹരി ഗുളികകൾ എന്നിവ പിടിച്ചെടുത്തു.
അന്താരാഷ്‌ട്ര സംഘവുമായി സഹകരിച്ചാണ് പ്രതികൾ ലഹരി കടത്താൻ ശ്രമിച്ചത്. അറസ്‌റ്റിലായ പ്രതികൾക്കെതിരെ നിയമനടപടി സ്വീകരിച്ചതായും അധികൃതർ വ്യക്‌തമാക്കി.
Read also: ആർബിഐ പണനയം ഇന്ന് പ്രഖ്യാപിക്കും; വിപണിയിൽ മുന്നേറ്റം
