തുറവൂർ: ആലപ്പുഴ തുറവൂരിൽ സുഹൃത്തുക്കളായ രണ്ടുപേരെ മരിച്ച നിലയിൽ വീടിനുള്ളിൽ കണ്ടെത്തി. കുത്തിയതോട് പഞ്ചായത്ത് രണ്ടാം വാർഡിൽ തുറവൂർ ചാവടി കൈതവളപ്പിൽ സ്‌റ്റീഫൻ (48), സുഹൃത്ത് കുത്തിയതോട് പഞ്ചായത്ത് 14ആം വാർഡ് കൊല്ലശ്ശേരി വീട്ടിൽ ബൈജു (50) എന്നിവരെയാണ് മരിച്ച നിലയിൽ കണ്ടെത്തിയത്.
പോസ്‌റ്റ്‌മോർട്ടത്തിന് ശേഷം മാത്രമേ മരണകാരണം വ്യക്‌തമാകൂവെന്ന് പോലീസ് അറിയിച്ചു. സാനിറ്റൈസർ കുടിച്ചതിനെ തുടർന്നാണ് മരണമെന്നാണ് പ്രാഥമിക നിഗമനം. വീടിനുള്ളിൽ നിന്നും കൂടിയ അളവിൽ സാനിറ്റൈസറും ഗ്ളാസുകളും കണ്ടെത്തിയിട്ടുണ്ട്. ഇവരുടെ മൃതദേഹം തുറവൂർ താലൂക്ക് ആശുപത്രിയിലേക്ക് മാറ്റി.
കൂലിപ്പണിക്കാരനാണ് സ്‌റ്റീഫൻ. പിതാവ്: ചാർലി, മാതാവ്: ഏലിയാമ്മ, ഭാര്യ: ബേബി, മക്കൾ: ക്രിസ്‌റ്റീന, സ്‌റ്റെഫിന. സ്വകാര്യ മൽസ്യ സംസ്‌കരണ കമ്പനിയിലെ ഡ്രൈവറാണ് ബൈജു. കൊല്ലശ്ശേരി വീട്ടിൽ കരുണാകരന്റെയും സരോജിനിയുടെയും മകനാണ്. ഭാര്യ: ഷീജ, മകൾ: അപർണ.
Read also: കൊലപാതക കേസ്; സുശീൽ കുമാറിന് വധശിക്ഷ നൽകണമെന്ന് സാഗറിന്റെ മാതാപിതാക്കൾ
