ധർമ്മടം: ധര്മ്മടത്ത് മുഖ്യമന്ത്രി പിണറായി വിജയനെതിരെ സ്വതന്ത്രയായി മൽസരിക്കുന്ന വാളയാര് പെണ്കുട്ടികളുടെ മാതാവിന് തിരഞ്ഞെടുപ്പ് കമ്മീഷന് ചിഹ്നം അനുവദിച്ചു. കുഞ്ഞുടുപ്പാണ് തിരഞ്ഞെടുപ്പ് കമ്മീഷന് അനുവദിച്ച ചിഹ്നം.
ഫ്രോക്കാണ് തിരഞ്ഞെടുപ്പ് ചിഹ്നമായി ലഭിച്ചതെന്ന് വാളയാര് സമര സമിതി സംഘാടകനായ സിആര് നീലകണ്ഠൻ പറഞ്ഞു. ഈ ചിഹ്നം നല്കണമെന്ന് വാളയാര് പെണ്കുട്ടികളുടെ മാതാവ് തിരഞ്ഞെടുപ്പ് കമ്മീഷനോട് ആവശ്യപ്പെട്ടിരുന്നു. ഇതേതുടര്ന്നാണ് കമ്മീഷന് ചിഹ്നം അനുവദിച്ചത്.
വാളയാറില് ദുരൂഹ സാഹചര്യത്തില് കൊല്ലപ്പെട്ട തന്റെ പെണ്മക്കളുടെ നീതിക്ക് വേണ്ടിയാണ് ധര്മ്മടത്ത് മുഖ്യമന്ത്രിക്കെതിരെ മൽസരിക്കുന്നതെന്ന് അവർ നേരത്തെ വ്യക്തമാക്കിയിരുന്നു. സംഘപരിവാറിന്റെ ഒഴികെ ഏത് സംഘടനയുടെയും പിന്തുണ സ്വീകരിക്കുമെന്നും അവർ പറഞ്ഞിരുന്നു. തുടര്ഭരണമായാലും ഭരണം മാറിവന്നാലും തനിക്ക് നീതികിട്ടുന്നതു വരെ സമരം തുടരുമെന്ന് അവർ പറഞ്ഞു.
Read Also: ശബരിമലയും ലൗ ജിഹാദും മുഖ്യ വിഷയങ്ങൾ; പ്രകടന പത്രിക പുറത്തിറക്കി എൻഡിഎ