തിരുവനന്തപുരം : ഇന്ധനവിലയിൽ വർധന തുടരുന്നു. തുടർച്ചയായി ഏഴാം ദിവസമാണ് ഇന്ന് വില വർധന ഉണ്ടാകുന്നത്. ഇതോടെ രാജ്യത്ത് ഇന്ധനവില സർവകാല റെക്കോർഡിലെത്തി.
പെട്രോളിന് 29 പൈസയും ഡീസലിന് 33 പൈസയുമാണ് ഇന്ന് കൂടിയത്. സംസ്ഥാനത്ത് മിക്കയിടങ്ങളിലും പെട്രോൾ വില 90ന് മുകളിലെത്തിയിട്ടുണ്ട്. തിരുവനന്തപുരം ജില്ലയിൽ ഇന്നത്തെ പെട്രോൾ വില 90 രൂപ 61 പൈസയാണ്. കൂടാതെ ഡീസൽ വില 84 രൂപ 89 പൈസയായും ഉയർന്നു. ഒപ്പം തന്നെ കൊച്ചി നഗരത്തിൽ ഡീസൽ വില 83 രൂപ 48 പൈസയായും, പെട്രോൾ വില 88 രൂപ 93 പൈസയായും ഉയർന്നു.
പ്രതിദിനം ഉയരുന്ന ഇന്ധനവില സാധാരണ ജനങ്ങളുടെ ജീവിതത്തെ വളരെയധികം ബാധിക്കുന്നുണ്ട്. ഇന്ധനവില ഉയരുന്നത് മൂലം ഉണ്ടാകുന്ന അവശ്യസാധനങ്ങളുടെ വിലവർധന സാധാരണക്കാരന് താങ്ങാവുന്നതിനും അപ്പുറമാണ്.
Read also : കർഷക സമരത്തിന് ഐക്യദാർഢ്യം; ഗാന്ധിജിയുടെ കൊച്ചുമകൾ ഗാസിപ്പൂരിൽ