ന്യൂഡെൽഹി : രാജ്യത്ത് ഇന്ധനവിലയിൽ ഇന്നും വർധന. പെട്രോൾ വിലയിലാണ് വർധന ഉണ്ടായിരിക്കുന്നത്. അതേസമയം ഡീസൽ വിലയിൽ ഇന്ന് കുറവ് രേഖപ്പെടുത്തിയിട്ടുണ്ട്. പെട്രോൾ വിലയിൽ 28 പൈസയുടെ വർധനയാണ് ഉണ്ടായിട്ടുള്ളത്. എന്നാൽ ഇന്ന് ഡീസൽ വിലയിൽ 17 പൈസയുടെ കുറവ് രേഖപ്പെടുത്തി.
ഇതോടെ കേരളത്തിൽ കൊച്ചിയിലെ നിലവിലെ പെട്രോൾ വില 101.29 രൂപയായി ഉയർന്നു. കൂടാതെ ഡീസൽ വില നിലവിൽ 95.54 രൂപയായിട്ടുണ്ട്. തുടർച്ചയായുള്ള വില വർധനക്ക് ശേഷം രാജ്യത്ത് ഇന്നലെ ഇന്ധനവിലയിൽ മാറ്റം ഉണ്ടായിരുന്നില്ല. തുടർന്ന് ഇന്നാണ് പെട്രോൾ വിലയിൽ വർധനയും, ഡീസൽ വിലയിൽ കുറവും രേഖപ്പെടുത്തിയത്.
Read also : സിക; കേന്ദ്രസംഘം ഇന്ന് തലസ്‌ഥാനത്തെ രോഗബാധിത മേഖലകൾ സന്ദർശിക്കും
