തിരുവനന്തപുരം : രാജ്യത്ത് തുടർച്ചയായി പതിനൊന്നാം ദിവസവും ഇന്ധനവിലയിൽ വർധന. പെട്രോൾ ലിറ്ററിന് 34 പൈസയും ഡീസലിന് 33 പൈസയുമാണ് ഇന്ന് കൂട്ടിയത്. ഇതോടെ ഇന്ധനവില നിലവിൽ സർവകാല റെക്കോർഡുകളും കടന്ന് കുതിക്കുകയാണ്.
ഇന്നത്തെ വില വർധന കൂടിയായപ്പോൾ നിലവിൽ തിരുവനന്തപുരത്ത് പെട്രോൾ വില 91 രൂപ 78 പൈസയായും, ഡീസൽ വില 86 രൂപ 29 പൈസയായും കൂടി. ഒപ്പം തന്നെ കൊച്ചിയിൽ പെട്രോളിന് 90 രൂപ 2 പൈസയും, ഡീസലിന് 84 രൂപ 64 പൈസയുമാണ് നിലവിലെ വില. അതായത് കഴിഞ്ഞ 10 മാസത്തിനിടെ രാജ്യത്ത് പെട്രോളിന് 18 രൂപ 43 പൈസയും, ഡീസലിന് 18 രൂപ 74 പൈസയുമാണ് വർധിച്ചത്.
ഇന്ധനവില വർധനയെ തുടർന്ന് കേരളത്തിൽ 91 രൂപക്ക് മുകളിൽ പെട്രോൾ വിലയെത്തിയപ്പോൾ രാജ്യത്ത് മിക്കയിടങ്ങളിലും പെട്രോൾ വില 100 കടന്നു. ഇന്ധനവിലയിൽ ഉണ്ടാകുന്ന വർധന മൂലം നിലവിൽ അവശ്യ സാധനങ്ങൾക്കുൾപ്പടെ വില വർധിക്കുകയാണ്. വരും ദിവസങ്ങളിലും ഇന്ധനവിലയിൽ ഇതേ രീതിയിൽ ഉയർച്ച ഉണ്ടാകാനാണ് സാധ്യത.
Read also : കുറ്റ്യാടിയില് പോലീസിന് നേരെയുണ്ടായ ആക്രമണം; സിപിഐഎം പ്രവര്ത്തകര് കീഴടങ്ങി