ന്യൂഡെല്ഹി: പോലീസ് നിയമ ഭേദഗതി നടപ്പിലാക്കാന് ഉദ്ദേശിക്കുന്നില്ലെന്ന കേരളാ മുഖ്യമന്ത്രി പിണറായി വിജയന്റെ പ്രസ്താവനയില് സന്തോഷം പ്രകടിപ്പിച്ച് സുപ്രീംകോടതി മുതിര്ന്ന അഭിഭാഷകന് പ്രശാന്ത് ഭൂഷണ്. സ്വതന്ത്ര്യ പൊതുജന അഭിപ്രായത്തെ മാനിക്കുന്ന മുഖ്യമന്ത്രിമാര് ഇപ്പോഴും ഉണ്ടെന്ന് അറിയുന്നതില് സന്തോഷമുണ്ടെന്ന് പ്രശാന്ത് ഭൂഷണ് ട്വിറ്ററില് കുറിച്ചു.
Glad to hear this @vijayanpinarayi. It is gratifying to learn that there are still some CMs who are sensitive to Independent public opinion https://t.co/95teH5OoUK
— Prashant Bhushan (@pbhushan1) November 23, 2020
പോലീസ് നിയമ ഭേദഗതിയെ വിമര്ശിച്ച് നേരത്തേ പ്രശാന്ത് ഭൂഷണ് രംഗത്തെത്തിയിരുന്നു. നിര്ദ്ദയമായ നടപടി എന്നായിരുന്നു നിയമ ഭേദഗതിയെ പ്രശാന്ത് ഭൂഷണ് വിശേഷിപ്പിച്ചത്.
വിവിധ കോണുകളില്നിന്ന് ശക്തമായ വിമര്ശനം ഉയര്ന്നതോടെയാണ് പൊലീസ് നിയമ ഭേദഗതി പിന്വലിക്കാൻ സംസ്ഥാന സർക്കാർ തീരുമാനമെടുത്തത്. നിയമസഭയില് വിശദ ചര്ച്ച നടത്തിയതിന് ശേഷം മാത്രമേ തുടര് നടപടികള് എടുക്കൂ എന്ന് മുഖ്യമന്ത്രി പിണറായി വിജയന് പ്രസ്താവനയില് പറഞ്ഞു.
Read also: ഒടുവിൽ പിൻമാറി; പൊലീസ് നിയമ ഭേദഗതി പിൻവലിച്ചു