ലോക്ക്ഡൗണ്‍ കാലത്ത് വര്‍ക്ക് ഫ്രം ഹോം, ഓണ്‍ലൈന്‍ ക്ലാസുകള്‍ തുടങ്ങിയവക്ക് വ്യാപകമായി ഉപയോഗിച്ചിരുന്ന ഗൂഗിള്‍ മീറ്റിന് നിയന്ത്രണം ഏര്‍പ്പെടുത്തുന്നു. സെപ്റ്റംബര്‍ 30 മുതല്‍ 60 മിനുട്ടുകള്‍ മാത്രമേ ഗൂഗിളിന്റെ ഈ സേവനം ഉപയോക്താക്കള്‍ക്ക് സൗജന്യമായി ലഭിക്കുകയുള്ളു. പണം നല്‍കിയ ഉപയോഗിക്കാവുന്ന ജി സ്യൂട്ടിലേക്ക് മാറാനാണ് ഗൂഗിള്‍ മീറ്റിന്റെ ഉപയോക്താക്കളോട് കമ്പനി ആവശ്യപ്പെടുന്നത്. ഇത്തരത്തില്‍ മാറുന്നവര്‍ക്കായി നിരവധി ആനുകൂല്യങ്ങളും ഗൂഗിള്‍ വാഗ്‌ദാനം ചെയ്യുന്നുണ്ട്.
250 പേര്‍ക്ക് ഗൂഗിള്‍ മീറ്റുവഴി പങ്കെടുക്കാനുള്ള സൗകര്യവും, ഒറ്റ ഡൊമൈന്‍ വഴി 1,000ത്തിലേറെ പേര്‍ക്ക് ലൈവ് സ്ട്രീമിംഗ്, റെക്കോര്‍ഡ് ചെയ്‌ത് ഗൂഗിള്‍ ഡ്രൈവിൽ സൂക്ഷിക്കാനുള്ള സൗകര്യങ്ങള്‍ തുടങ്ങിയവയും ഗൂഗിള്‍ മീറ്റിന്റെ പുതിയ വേര്‍ഷനില്‍ ഉണ്ടാകും. പുതിയ സേവനങ്ങള്‍ക്കായി ഒരാള്‍ ഒരു മാസത്തേക്ക് 1,800 രൂപ നല്‍കേണ്ടി വരും. ഈ വര്‍ഷം തുടക്കത്തില്‍ പരിധിയില്ലാത്ത സൗജന്യ സേവനമായിരുന്നു ഗൂഗിള്‍ മീറ്റ് വാഗ്‌ദാനം ചെയ്‌തിരുന്നത്.
Read also: തൊഴില്‍ തേടുന്നവര്‍ക്ക് രക്ഷയാകാന്‍ ഗൂഗിളിന്റെ ജോബ് ആപ്പ്
