തിരുവനന്തപുരം: പൊതുഅവധി ദിവസങ്ങളായ ദുഃഖ വെള്ളി, ഈസ്റ്റര് ദിനങ്ങളില് സര്ക്കാര് ട്രഷറികള്ക്ക് അവധിയില്ല. തിരഞ്ഞെടുപ്പിന് മുന്പ് പെന്ഷനും ശമ്പളവും വിതരണം ചെയ്യുന്നതിന്റെ ഭാഗമായാണ് ട്രഷറികൾക്ക് അവധി ഒഴിവാക്കിയത്. ഈ ദിവസങ്ങളില് ഹാജരാകുന്ന ജീവനക്കാര്ക്ക് മറ്റൊരു ദിവസം അവധി അനുവദിക്കും.
എന്നാല് ക്രൈസ്തവ വിഭാഗത്തില്പെട്ട ജീവനക്കാര്ക്ക് ദുഃഖ വെള്ളി, ഈസ്റ്റര് ദിവസങ്ങളിൽ നിയന്ത്രിത അവധി അനുവദിക്കും. പുതുക്കിയ ശമ്പളവും പെന്ഷനും ജീവനക്കാര്ക്കും പെന്ഷന്കാര്ക്കും ഏപ്രില് മൂന്നിന് മുന്പ് ലഭ്യമാക്കുന്നതിന് വേണ്ടിയാണ് നടപടിയെന്ന് സര്ക്കാര് ഉത്തരവില് പറയുന്നു.
Read also: ശബരിമല വിഷയത്തിൽ വിശ്വാസികൾക്ക് ഒപ്പം എൻഡിഎ മാത്രം; ജെപി നഡ്ഡ