ചെറുവത്തൂർ: സംസ്ഥാന സർക്കാരിന്റെ ഗ്രീൻ കേരള പദ്ധതിയുടെ ഭാഗമായി ചെറുവത്തൂർ പഞ്ചായത്തിൽ നിന്ന് 100 ടൺ മാലിന്യം ശേഖരിച്ചു. ബന്ധപ്പെട്ടവരുടെ നിർദ്ദേശ പ്രകാരം വീട്ടു പരിസരത്തെ പ്ളാസ്റ്റിക് ക്യാരി ബാഗുകൾ, പ്ളാസ്റ്റിക് കുപ്പികൾ, ഗ്ളാസ് കുപ്പികൾ, പഴയ ബാഗുകളും ചെരിപ്പുകളും എന്നിവ വീട്ടുകാർ പ്രത്യേകം ചാക്കുകളിലാക്കിയാണ് ശേഖരിച്ചു വെച്ചത്.
റോഡരികിൽ എത്തിച്ച ചാക്കുകെട്ടുകൾ വാഹനങ്ങൾ വന്നു കൊണ്ടുപോയി. കാടങ്കോട്, അമ്മിഞ്ഞിക്കോട് എന്നിവിടങ്ങളിൽ എത്തിച്ച് മാലിന്യം കഴിഞ്ഞ ദിവസം ഗ്രീൻ കേരള കമ്പനിക്ക് കൈമാറി. പ്രസിഡണ്ട് സിവി പ്രമീള, വൈസ് പ്രസിഡണ്ട് പിവി രാഘവൻ, പഞ്ചായത്ത് അംഗങ്ങളായ സിവി ഗിരീശൻ, പി പത്മിനി എന്നിവർ മാലിന്യചാക്കുകൾ ലോറിയിൽ കയറ്റി അയക്കാൻ നേതൃത്വം നൽകി.
Also Read: കൊവാക്സിനില്ല; സംസ്ഥാനത്ത് രണ്ടാം ഡോസ് കുത്തിവെപ്പ് പ്രതിസന്ധിയിൽ