ശിവസേന ഭവന് മുന്നിൽ ഹനുമാൻ ഗീതം മുഴക്കി; നാലുപേർ അറസ്‌റ്റിൽ

By News Bureau, Malabar News
Ajwa Travels

മുംബൈ: മഹാരാഷ്‌ട്രയിലെ ഉച്ചഭാഷിണി വിവാദം രൂക്ഷമാകുന്നു. മുംബൈയിലെ ശിവസേന ആസ്‌ഥാനത്തിന് മുന്നിൽ മഹാരാഷ്‌ട്ര നവനിർമ്മാൺ സേന ഹനുമാൻ ഗീതങ്ങൾ മുഴക്കി. സംഭവത്തിൽ എംഎൻഎസ് നേതാവ് യശ്വന്ത് കില്ലേക്കർ ഉൾപ്പടെ 4 പേരെ പോലീസ് കസ്‌റ്റഡിയിലെടുത്തു. രാമ നവമിയോട് അനുബന്ധിച്ചാണ് ശിവസേന ഭവന് പുറത്ത് ഇവർ ഉച്ചഭാഷിണിയിൽ ഗാനങ്ങൾ മുഴക്കിയത്.

ടാക്‌സി കാറിൽ ഉച്ചഭാഷിണി ഘടിപ്പിച്ചാണ് പ്രവർത്തകർ എത്തിയത്. ഹിന്ദു ദൈവമായ രാമന്റെയും എംഎൻഎസ് മേധാവി രാജ് താക്കറെയുടെയും ചിത്രങ്ങളടങ്ങിയ പ്ളക്കാർഡും വാഹനത്തിൽ ഉണ്ടായിരുന്നു. ‘ശ്രീരാമ രഥ്’ (ശ്രീരാമന്റെ രഥം) എന്നും കാറിൽ എഴുതിയിരിക്കുന്നു.

വിവരമറിനെത്തിയ പോലീസ് പ്രാർഥനാ ഗാനം നിർത്തിക്കുകയും വാഹനവും ഉച്ചഭാഷിണിയും പിടിച്ചെടുക്കുകയും ചെയ്‌തു.

അടുത്തിടെ എംഎൻഎസ് നേതാവ് രാജ് താക്കറെ മഹാരാഷ്‌ട്രയിലെ പള്ളികളിൽ നിന്ന് ഉച്ചഭാഷിണികൾ നീക്കം ചെയ്യണമെന്ന് ആവശ്യപ്പെട്ടിരുന്നു. പോലീസും ഭരണകൂടവും ഉച്ചഭാഷിണി നീക്കം ചെയ്‌തില്ലെങ്കിൽ, പള്ളികൾക്ക് മുന്നിൽ ഹനുമാൻ ഗീതങ്ങൾ ഉച്ചത്തിൽ മുഴക്കുമെന്നും താക്കറെ ഭീഷണി മുഴക്കിയിരുന്നു.

താക്കറെയുടെ പ്രസ്‌താവനയ്‌ക്ക് പിന്നാലെ എംഎൻഎസ് പ്രവർത്തകർ ഘട്കുപർ ഏരിയയിലെ പാർട്ടി ഓഫിസിന് മുന്നിൽ പ്രാർഥനാ ഗീതങ്ങൾ മുഴക്കിയിരുന്നു. കൂടാതെ വിവിധ സ്‌ഥലങ്ങളിൽ പ്രവർത്തകർ സമാന രീതി പിന്തുടരുകയും ചെയ്‌തിരുന്നു. പ്രകോപനം ഉണ്ടാക്കാൻ ശ്രമിച്ച നിരവധി പ്രവർത്തകരെ ഇതിനോടകം പോലീസ് കസ്‌റ്റഡിയിൽ എടുത്തിട്ടുണ്ട്.

Most Read: അമിതാഭ് ബച്ചന്റെയും അക്ഷയ് കുമാറിന്റെയും കോലം കത്തിച്ച് കോണ്‍ഗ്രസ് 

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE