ന്യൂഡെൽഹി: സാമുദായിക വിദ്വേഷം പ്രചരിപ്പിക്കുന്നു എന്നാരോപിച്ച് ട്വിറ്ററിന് എതിരെ പരാതി. അഭിഭാഷകൻ ആദിത്യ സിംഗ് ദേഷ്‌വാളാണ് ട്വിറ്റർ കമ്മ്യൂണിക്കേഷൻസ് ഇന്ത്യ പ്രൈവറ്റ് ലിമിറ്റഡ്, ട്വിറ്റർ ഇന്ത്യ എംഡി മനീഷ് മഹേശ്വരി, ട്വിറ്റർ ഇന്ത്യയുടെ പബ്ളിക് പോളിസി മാനേജർ ഷഗുഫ്‌ത കമ്രാൻ, ‘റിപ്പബ്ളിക് അതീസ്‌റ്റ്’ എന്ന എൻജിഒയുടെ സ്‌ഥാപകൻ അർമിൻ നവാബി, സിഇഒ സൂസന്ന മക്കിൻട്രി എന്നിവർക്ക് എതിരെ പരാതി നൽകിയത്.
‘റിപ്പബ്ളിക് അതീസ്‌റ്റ്’ തങ്ങളുടെ ട്വിറ്റർ പേജിലൂടെ പുറത്തുവിട്ട ഹിന്ദു ദൈവം മഹാകാളിയുടെ ചിത്രം മതവികാരം വൃണപ്പെടുത്തുന്നതും, സാമുദായിക വിദ്വേഷം പ്രചരിപ്പിക്കുന്നതും ആണെന്ന് ആദിത്യ സിംഗ് തന്റെ പരാതിയിൽ പറയുന്നു. 2011 മുതൽ സമാനമായ രീതിയിൽ ഹിന്ദു ദൈവങ്ങളെയും, മറ്റ് മതങ്ങളെയും മോശമായി കാണിക്കുന്ന നിലയിലാണ് റിപ്പബ്ളിക് അതീസ്‌റ്റ് എന്ന പേജ് പ്രവർത്തിക്കുന്നതെന്ന് അദ്ദേഹം തന്റെ പരാതിയിൽ ചൂണ്ടികാണിക്കുന്നു.
Read Also: മനുഷ്യക്കടത്ത്; 10 വർഷം വരെ ശിക്ഷ ലഭിച്ചേക്കാം; നിയമം കടുപ്പിച്ച് കേന്ദ്രം
