സിഡ്നി: ക്രിക്കറ്റ് ആരാധകര്ക്ക് മുഖവുരയുടെ ആവശ്യമില്ലാത്ത താര ദമ്പതികളാണ് മിച്ചല് സ്റ്റാര്ക്കും അലിസ ഹീലിയും. ഇപ്പോഴിതാ ഇരുവരുടെയും ഒരു വീഡിയോ സോഷ്യല് മീഡിയയില് തരംഗമാവുകയാണ്. വനിതാ ബിഗ് ബാഷ് ലീഗില് ഹീലിയുടെ സെഞ്ചുറി നേട്ടത്തെ ഗാലറിയില് കൈയ്യടികളോടെ അഭിനന്ദിക്കുന്ന സ്റ്റാര്ക്കിന്റെ വീഡിയോ ആണ് സോഷ്യല് മീഡിയ ഏറ്റെടുത്തിരിക്കുന്നത്.
ഞായറാഴ്ച നടന്ന വനിതാ ബിഗ് ബാഷ് ലീഗില് 48 പന്തില് ആയിരുന്നു സിഡ്നി സിക്സേഴ്സിന്റെ താരമായ ഹീലിയുടെ തകര്പ്പന് സെഞ്ചുറി നേട്ടം. പ്രിയതമയുടെ മികച്ച പ്രകടനത്തിന് സാക്ഷ്യം വഹിക്കാന് ഗാലറിയില് ഭര്ത്താവ് മിച്ചല് സ്റ്റാര്ക്കും സന്നിഹിതനായിരുന്നു.
HEALY HUNDRED!
She brings up a superb century off just 48 balls. What a legend #WBBL06 pic.twitter.com/ftTQwCcpIq
— Rebel Women’s Big Bash League (@WBBL) November 22, 2020
നോര്ത്ത് സിഡ്നി ഓവലില് മെല്ബണ് സ്റ്റാര്സിനെതിരെ ആയിരുന്നു മല്സരം. ഹീലിയുടെ മികവില് മല്സരത്തില് അഞ്ചു വിക്കറ്റിന്റെ ജയം സ്വന്തമാക്കാനും സിഡ്നി സിക്സേഴ്സിന് കഴിഞ്ഞു. മല്സരത്തില് 52 പന്തുകള് നേരിട്ട ഹീലി 15 ഫോറും ആറു സിക്സുമടക്കം 111 റണ്സാണ് അടിച്ചെടുത്തത്.
സ്വന്തം രാജ്യത്തിനായ ലോകകപ്പ് വിജയിക്കുന്ന ആദ്യ ദമ്പതികളെന്ന നേട്ടം സ്വന്തമാക്കിയവര് കൂടിയാണ് ഓസ്ട്രേലിയന് പുരുഷ ടീം അംഗമായ സ്റ്റാര്ക്കും വനിതാ ടീം അംഗമായ ഹീലിയും.
Read Also: ‘പൊലീസ് ആക്ട് ഭേദഗതി നടപ്പാക്കാന് പ്രത്യേക നടപടിക്രമം തയാറാക്കും’; ലോക്നാഥ് ബെഹ്റ