ന്യൂഡെൽഹി: ടൗട്ടെ ചുഴലിക്കാറ്റിനെ തുടർന്ന് കേരളം ഉൾപ്പടെയുള്ള സംസ്ഥാനങ്ങളിൽ കനത്ത മഴ നാശം വിതക്കുമ്പോൾ ആവശ്യക്കാർക്ക് സഹായങ്ങൾ എത്തിച്ചു നൽകാൻ കോൺഗ്രസ് പ്രവർത്തകരോട് അഭ്യർഥിച്ച് രാഹുൽ ഗാന്ധി എംപി. ട്വിറ്ററിലൂടെയായിരുന്നു അദ്ദേഹത്തിന്റെ അഭ്യർഥന.
“കേരളം, മഹാരാഷ്ട്ര, ഗോവ, തമിഴ്നാട്, ഗുജറാത്ത്, കർണാടക എന്നിവിടങ്ങളിൽ ജാഗ്രതാ മുന്നറിയിപ്പുണ്ട്. ടൗട്ടെ ചുഴലിക്കാറ്റ് ഇതിനോടകം പല പ്രദേശങ്ങളിലും ശക്തമായ മഴക്ക് കാരണമായിട്ടുണ്ട്. ആവശ്യമുള്ളവർക്ക് സാധ്യമായ എല്ലാ സഹായങ്ങളും നൽകണമെന്ന് ഞാൻ കോൺഗ്രസ് പ്രവർത്തകരോട് അഭ്യർഥിക്കുന്നു. സുരക്ഷിതരായിരിക്കുക,”- രാഹുൽ ഗാന്ധി ട്വീറ്റ് ചെയ്തു.
#CycloneAlert has been issued in Kerala, Maharashtra, Goa, Tamil Nadu, Gujarat and Karnataka. Cyclone Tauktae is already causing heavy rains in many areas.
I appeal to Congress workers to provide all possible assistance to those in need.
Please stay safe.
— Rahul Gandhi (@RahulGandhi) May 15, 2021
അതേസമയം, ടൗട്ടെ ചുഴലിക്കാറ്റ് കേരളത്തിൽ നേരിട്ട് ബാധിക്കില്ലെങ്കിലും സംസ്ഥാനത്ത് വ്യാപകമായ മഴക്കും ശക്തമായ കാറ്റിനും സാധ്യതയുണ്ട്. കനത്ത മഴയെ തുടർന്ന് വടക്കൻ ജില്ലകളിൽ ഇന്ന് റെഡ് അലർട് പ്രഖ്യാപിച്ചിരിക്കുകയാണ്. കേരളത്തിലെ തീരപ്രദേശങ്ങളിൽ കടൽക്ഷോഭം രൂക്ഷമാണ്. മൽസ്യത്തൊഴിലാളികൾ മെയ് 17 വരെ കടലിൽ പോകരുതെന്നാണ് ദുരന്ത നിവാരണ സേനയുടെ മുന്നറിയിപ്പ്.
Also Read: പൂനെയിൽ കൊവാക്സിൻ നിർമാണ പ്ളാന്റ് ആഗസ്റ്റോടെ പ്രവർത്തനം തുടങ്ങും