പൂനെ: ഭാരത് ബയോടെക്കിന്റ പുതിയ വാക്‌സിന്‍ നിര്‍മാണ പ്ളാന്റ് ആഗസ്‌റ്റോടെ പൂനെയില്‍ പ്രവര്‍ത്തനം ആരംഭിക്കും. പൂനെയിലെ മാഞ്ചിരയിലാണ് പ്ളാന്റ് നിര്‍മിക്കുന്നത്. ആഗസ്‌റ്റോടെ ഇവിടെ നിന്നും വാക്‌സിന്‍ വിതരണത്തിന് തയ്യാറാകും. കൊവാക്‌സിന്‍ നിര്‍മാതാക്കളായ ഭാരത് ബയോടെക്ക് ഹൈദരാബാദ് ആസ്‌ഥാനമായാണ് പ്രവര്‍ത്തിക്കുന്നത്.
മുതിർന്ന ഉദ്യോഗസ്‌ഥർ കഴിഞ്ഞ ദിവസം വാക്‌സിന്‍ പ്ളാന്റ് സന്ദര്‍ശിച്ചിരുന്നു. പന്ത്രണ്ട് ഹെക്‌ടർ പ്രദേശത്ത് വ്യാപിച്ചു കിടക്കുന്ന ബയോടെക് കൊവാക്‌സിന്‍ നിര്‍മാണ പ്ളാന്റ് മഹാരാഷ്‌ട്ര ഹൈക്കോടതിയുടെ നിര്‍ദ്ദേശ പ്രകാരമാണ് മാഞ്ചിരയില്‍ പ്രവര്‍ത്തനം ആരംഭിക്കുന്നത്.
യുഎസ് ആസ്ഥാനമായി പ്രവര്‍ത്തിക്കുന്ന ബഹുരാഷ്‌ട്ര ഫാര്‍മസ്യൂട്ടിക്കല്‍ കമ്പനിയായ മെര്‍ക്ക് ആന്റെ് കൊ യുടെ അനുബന്ധ കമ്പനിയായ ഇന്റര്‍വെറ്റ് ഇന്ത്യ പ്രൈവറ്റ് ലിമിറ്റഡ് ആയിരുന്നു പ്ളാന്റ് ഇതിന് മുന്‍പ് ഉയോഗിച്ചിരുന്നത്. ഇതാണ് കൊവാക്‌സിൻ നിർമാണ പ്ളാന്റായി ഉപയോഗിക്കാൻ തീരുമാനിച്ചത്.
Read Also: മൃതദേഹങ്ങൾക്കുമുണ്ട് അവകാശങ്ങൾ; ആദരവ് ഉറപ്പാക്കണമെന്ന് മനുഷ്യാവകാശ കമ്മീഷന്‍
