ന്യൂഡെൽഹി: കോവിഡ് വ്യാപനം മൂലം താല്ക്കാലികമായി നിര്ത്തിവച്ചിരുന്ന ഇരുചക്ര വാഹനങ്ങളുടെ ഉൽപാദനം ഘട്ടം ഘട്ടമായി പുനരാരംഭിച്ച് ഹോണ്ട ഇന്ത്യ. അതിനൊപ്പം സമ്പൂര്ണ ലോക്ക്ഡൗണിൽപെട്ട് വലയുന്ന അംഗീകൃത ഡീലര്മാര്ക്ക് പിന്തുണയായി ഹോണ്ട ടൂ വീലേഴ്സ് സഹായവും പ്രഖ്യാപിച്ചു. ഇതു പ്രകാരം 30 ദിവസമോ അതില് കൂടുതലോ ലോക്ക്ഡൗൺ മൂലം ഷോറൂം അടച്ചിടേണ്ടി വന്ന ഡീലര്മാരുടെ നിക്ഷേപ പലിശ ചിലവ് കമ്പനി വഹിക്കും.
ലോക്ക്ഡൗണ് ഇളവും ബന്ധപ്പെട്ട സംസ്ഥാന സര്ക്കാരിന്റെ മാര്ഗ നിര്ദേശങ്ങളും അനുസരിച്ച് പ്ളാന്റുകളില് സാവധാനം ഉൽപാദനം ആരംഭിക്കുകയാണ്. സാഹചര്യങ്ങള് വിലയിരുത്തിയും പങ്കാളികളുടെ സുരക്ഷയ്ക്ക് പ്രധാന്യം നല്കിയും മുന്നോട്ട് പോകുമെന്നും ഹോണ്ട മോട്ടോര്സൈക്കിള് ആന്ഡ് സ്കൂട്ടര് ഇന്ത്യ മാനേജിങ് ഡയറക്ടറും സിഇഒയുമായ അൽസുഷി ഒഗാത്ത പറഞ്ഞു.
ഉപഭോക്താക്കളുടെയും പങ്കാളികളുടെയും സുരക്ഷയെ കരുതി ഹോണ്ട ടൂ വീലേഴ്സ് വാറണ്ടിയും സൗജന്യ വാഹന സര്വീസും നടത്താനുള്ള സമയപരിധി ജൂലായ് 31വരെ നീട്ടിയിട്ടുണ്ട്. ഏപ്രില് ഒന്ന്, മെയ് 31 തീയതികൾക്ക് ഇടയിൽ സൗജന്യ സര്വീസ്, വാറണ്ടി എന്നിവ അവസാനിക്കുന്ന എല്ലാ ഉപഭോക്താക്കള്ക്കും ഇത് ബാധകമായിരിക്കും.
Read Also: ഏഷ്യൻ ബോക്സിംഗ് ചാമ്പ്യൻഷിപ്പ്; ഫൈനലിൽ മേരികോം ഇറങ്ങും