പാറ്റ്ന: ബീഹാറിലെ മുംഗാറില് ദുര്ഗാപൂജ ആഘോഷങ്ങള്ക്കിടെ പൊലീസും നാട്ടുകാരും ഏറ്റുമുട്ടി. സംഘർഷത്തിന് ഇടയിലുണ്ടായ വെടിവെപ്പില് ഒരാള് കൊല്ലപ്പെട്ടു. നിരവധി പേര്ക്ക് പരിക്കേറ്റു. സ്ഥിതിഗതികള് ഇപ്പോള് നിയന്ത്രണ വിധേയമാണെന്നും പ്രതികളെ കണ്ടെത്താനുള്ള ശ്രമങ്ങള് തുടരുകയാണെന്നും മുംഗര് പൊലീസ് സൂപ്രണ്ട് ലിപി സിംഗ് പറഞ്ഞു. നൂറോളം പേര്ക്ക് സംഘര്ഷവുമായി ബന്ധമുണ്ടെന്നും പോലീസ് കൂട്ടിച്ചേര്ത്തു. സംഘര്ഷം നടന്ന സ്ഥലത്ത് നിന്ന് മൂന്ന് തോക്കുകളും വെടിയുണ്ടകളും പൊലീസ് കണ്ടെടുത്തിട്ടുണ്ട്. ഇതിനിടെ വിഗ്രഹവുമായി നില്ക്കുന്നവര്ക്ക് നേരെ പൊലീസ് ലാത്തിവീശുന്ന വീഡിയോ ദൃശ്യങ്ങള് സോഷ്യല് മീഡിയയിലൂടെ വ്യാപകമായി പ്രചരിക്കുന്നുണ്ട്.
Read more : കോവിഡ് നിയന്ത്രണങ്ങള് ലംഘിച്ചു; ബിജെപി നേതാവിനെതിരെ കേസ്