ന്യൂഡെൽഹി: പാര്‍ട്ടി പറഞ്ഞാല്‍ നിയമസഭാ തിരഞ്ഞെടുപ്പിൽ കഴക്കൂട്ടത്ത് സ്‌ഥാനാർഥിയാകുമെന്ന് കേന്ദ്രമന്ത്രി വി മുരളീധരന്‍. ഡെൽഹിയിൽ മാദ്ധ്യമങ്ങളോട് സംസാരിക്കുക ആയിരുന്നു അദ്ദേഹം. കഴിഞ്ഞ തിരഞ്ഞെടുപ്പുകളിൽ നിന്ന് വ്യത്യസ്‌തമായി ഇത്തവണ ബിജെപി മികച്ച മുന്നേറ്റം നടത്തും. തിരഞ്ഞെടുപ്പിനെ നേരിടാൻ ബിജെപിയും എൻഡിഎയും പൂർണ സജ്‌ജമാണ്.
ഇത്തവണ കൂടുതല്‍ സീറ്റുകള്‍ നേടി നിയമസഭയില്‍ നിര്‍ണായക ശക്‌തിയാകുകയാണ് എൻഡിഎയുടെ ലക്ഷ്യം. തിരഞ്ഞെടുപ്പ് പ്രവർത്തനത്തിന് സംസ്‌ഥാന അധ്യക്ഷൻ നയിച്ച യാത്ര വലിയ മുതൽക്കൂട്ടാകും. തിരഞ്ഞെടുപ്പില്‍ ദേശീയ ജനാധിപത്യസഖ്യം കൂടുതല്‍ നേട്ടുമുണ്ടാക്കുമെന്നും വി മുരളീധരന്‍ പറഞ്ഞു.
Also Read: നടക്കില്ലെന്ന് കരുതിയ പല പദ്ധതികളും നടപ്പാക്കി, ജനങ്ങൾ വിലയിരുത്തട്ടെ; മുഖ്യമന്ത്രി
