ന്യൂഡെൽഹി: രാജ്യത്ത് കോവിഡ് കേസുകൾ വീണ്ടും കൂടുന്നു. 24 മണിക്കൂറിനിടെ 4,370 പേർക്കാണ് രോഗം സ്ഥിരീകരിച്ചത്. ഇത് നാലാം തരംഗത്തിന്റെ സൂചനയല്ലെന്നാണ് ഐസിഎംആർ പറയുന്നത്. രാജ്യത്ത് വീണ്ടും കോവിഡ് കേസുകള് കൂടുന്നതില് ആശങ്കപ്പെടേണ്ട സാഹചര്യമില്ലെന്ന് ഐസിഎംആര് അഡീഷണല് ഡയറക്ടർ ജനറല് സമീരന് പാണ്ഡ പറഞ്ഞു.
അഞ്ച് സംസ്ഥാനങ്ങളിലെ ഏതാനും ജില്ലകളില് മാത്രമാണ് കൂടുതല് കേസുകളുള്ളതെന്നും ഈ സംസ്ഥാനങ്ങളില് മൊത്തത്തില് രോഗവ്യാപനം റിപ്പോർട് ചെയ്തിട്ടില്ലെന്നും അദ്ദേഹം വ്യക്തമാക്കി. രോഗ വ്യാപനം റിപ്പോർട് ചെയ്യുന്ന സംസ്ഥാനങ്ങള്ക്ക് കേന്ദ്രം കഴിഞ്ഞ ദിവസം കത്തയച്ചിരുന്നു. കോവിഡ് മാര്ഗ നിർദ്ദേശങ്ങൾ പാലിക്കുന്നതില് വീഴ്ച വരുത്തരുതെന്നും നിർദ്ദേശം നല്കിയിട്ടുണ്ട്.
Most Read: വിവാഹത്തിന് എത്തിയവർക്ക് സമ്മാനമായി ഹെൽമെറ്റ്; ദമ്പതികൾക്ക് കയ്യടി