ന്യൂഡെൽഹി: രാജ്യത്ത് കഴിഞ്ഞ 24 മണിക്കൂറിനുള്ളിൽ 1,72,433 പുതിയ കോവിഡ് കേസുകൾ റിപ്പോർട് ചെയ്തതായി കേന്ദ്ര ആരോഗ്യ മന്ത്രാലയം അറിയിച്ചു. ഇന്നലെ റിപ്പോർട് ചെയ്ത കേസുകളെക്കാൾ 6.8 ശതമാനം കൂടുതലാണിത്.
പ്രതിദിന പോസിറ്റിവിറ്റി നിരക്ക് 10.99 ശതമാനമാണ്. 59,107 പേർ 24 മണിക്കൂറിനിടെ രോഗമുക്തി നേടിയപ്പോൾ 1008 കോവിഡ് മരണങ്ങളും രാജ്യത്ത് റിപ്പോർട് ചെയ്യപ്പെട്ടു. രാജ്യത്തെ ആകെ കോവിഡ് മരണസംഖ്യ 4,98,983 ആണ്.
നിലവിൽ 15,33,921 സജീവ കേസുകളാണ് രാജ്യത്തുള്ളത്.
കേരളത്തിലും രോഗവ്യാപനം രൂക്ഷമാണ്. കഴിഞ്ഞ ദിവസം 52,199 പേർക്കാണ് സംസ്ഥാനത്ത് കോവിഡ് സ്ഥിരീകരിച്ചത്. 1,24,611 സാമ്പിളുകൾ പരിശോധനയ്ക്ക് വിധേയമാക്കി. രോഗമുക്തി നേടിയവർ 41,715 പേരും കോവിഡ് മരണം സ്ഥിരീകരിച്ചത് 29 പേർക്കുമാണ്.
അതേസമയം രാജ്യത്ത് വാക്സിനേഷനും പുരോഗമിക്കുകയാണ്. ഇതുവരെ 167.87 കോടി വാക്സിൻ ഡോസുകളാണ് രാജ്യത്തുടനീളം വിതരണം ചെയ്തത്.
Most Read: കോവിഡ് അവലോകന യോഗം നാളെ