കശ്മീര്: അതിര്ത്തി കടന്ന് ഇന്ത്യയിലെത്തിയ രണ്ട് പാകിസ്ഥാനി പെണ്കുട്ടികളെ സമ്മാനങ്ങളും മധുരപലഹാരവും നല്കി സൈനികര് മടക്കിയയച്ചു. നാട്ടുകാരുടെ സാന്നിധ്യത്തില് പൂഞ്ചിലെ ചകന് ദാ ബാഗ് ക്രോസിങ് പോയന്റില് വെച്ചാണ് ഇന്ത്യന് സേന ഇവരെ പാക് സൈന്യത്തിന് കൈമാറിയത്.
അബ്ബാസ്പൂര് സ്വദേശികളായ 17കാരി ലൈബ സബൈറും സഹോദരി 13കാരി സന സബൈറുമാണ് പാക് അധീന കശ്മീര് അതിര്ത്തി കടന്ന് അബദ്ധത്തില് പൂഞ്ചിലെ ഇന്ത്യന് ഭൂപ്രദേശത്തേക്ക് പ്രവേശിച്ചത്. ഞായറാഴ്ച രാവിലെയാണ് സംഭവം.
പെണ്കുട്ടികള് അതിര്ത്തി കടന്നത് നിയന്ത്രണരേഖയിലെ സൈനികരുടെ ശ്രദ്ധയില്പ്പെട്ടു. തടഞ്ഞ് കാര്യങ്ങള് അന്വേഷിച്ചപ്പോള് അതിര്ത്തി കടന്നത് അറിഞ്ഞില്ലെന്നാണ് അവര് പറഞ്ഞ മറുപടി. ഇന്ത്യന് അതിര്ത്തിയില് എത്തിയപ്പോള് ഭയപ്പെട്ടെങ്കിലും വളരെ മര്യാദയോടെയാണ് ആര്മി ഉദ്യോഗസ്ഥര് പെരുമാറിയതെന്ന് ലൈല സുബൈര് പ്രതികരിച്ചു.
Read also: ബോധമുള്ള ഒരാള് പോലും ഇല്ലെന്നാണോ; ട്വിറ്ററിനെതിരെ ശശി തരൂര്