എറണാകുളം: കൊച്ചിയിൽ നിന്നും സൗദിയിലേക്ക് കൂടുതൽ വിമാന സർവീസുകൾ ആരംഭിക്കാൻ തീരുമാനിച്ച് ഇൻഡിഗോ. ജൂൺ 15ആം തീയതി മുതലാണ് കൂടുതൽ വിമാന സർവീസുകൾ ആരംഭിക്കുക. കൂടുതൽ സർവീസുകൾ ആരംഭിക്കുന്നതോടെ സൗദിയിലേക്ക് യാത്ര ചെയ്യുന്നവർക്കും, പ്രവാസികൾക്കും ഇത് പ്രയോജനപ്പെടും.
ജിദ്ദയിലേക്കും ദമ്മാമിലേക്കും ഇന്‍ഡിഗോ കൂടുതൽ സര്‍വീസുകള്‍ നടത്തും. കൊച്ചിയില്‍ നിന്ന് സൗദി എയര്‍ലൈന്‍സും, എയര്‍ ഇന്ത്യ എക്‌സ്‍പ്രസും സൗദിയിലേക്ക് സര്‍വീസ് നടത്തുന്നുണ്ട്. രണ്ട് വിമാന കമ്പനികളും കൂടി ആഴ്‌ചയില്‍ ആകെ 15 സര്‍വീസുകളാണ് നടത്തുന്നത്.
ഇൻഡിഗോ കൂടി സൗദിയിലേക്ക് കൂടുതൽ സർവീസുകൾ ആരംഭിക്കുന്നതോടെ കൊച്ചിയിൽ നിന്നും സൗദിയിലേക്കുള്ള വിമാന സർവീസുകൾ ആഴ്‌ചയിൽ 29 ആയി ഉയരും.
Read also: പാങ്കോങ് തടാകത്തിൽ ചൈനയുടെ രണ്ടാമത്തെ പാലം; പ്രകോപിപ്പിക്കാൻ നീക്കം
