ഇന്‍ഡോര്‍: ഇന്ത്യന്‍ പ്രീമിയര്‍ ലീഗ് മല്‍സരവുമായി ബന്ധപ്പെട്ട വാതുവെപ്പ് സംഘത്തിലെ 8 പേരെ അറസ്റ്റ് ചെയ്‌തു. മധ്യപ്രദേശിലെ ഇന്‍ഡോറില്‍ നിന്നാണ് ഇവരെ അറസ്റ്റ് ചെയ്‌തത്. സൂരജ്, രാഹുല്‍, നിലേഷ്, യോഗേഷ്, വിശാല്‍, രാഹുല്‍, സന്ദീപ്, ശുഭം എന്നിവരാണ് അറസ്റ്റിലായത്.
ഐപിഎല്‍ വാതുവെപ്പുമായി ബന്ധപ്പെട്ട് ഇന്‍ഡോര്‍ പൊലീസ് രജിസ്റ്റര്‍ ചെയ്‌ത കേസിലാണ് നടപടി. ദോഹയില്‍ നടന്ന ചെന്നൈ സൂപ്പര്‍ കിങ്‌സും റോയല്‍ ചലഞ്ചേഴ്‌സ് ബംഗളൂരുവും തമ്മിലുള്ള കളിയുമായി ബന്ധപ്പെട്ടാണ് വാതുവെപ്പ് നടന്നതെന്ന് പൊലീസ് വ്യക്തമാക്കി. വാതുവെപ്പ് കേസില്‍ അന്വേഷണം പുരോഗമിക്കുന്നതിടെയിലാണ് പൊലീസ് ഇവരെ അറസ്റ്റ് ചെയ്‌തത്. 8 മൊബൈല്‍ ഫോണുകളും ഒരു ടെലിവിഷനും 8,000 രൂപയും ഇവരുടെ കൈവശം ഉണ്ടായിരുന്നെന്ന് പൊലീസ് പറഞ്ഞു. 3 ലക്ഷം രൂപ ഇവരുടെ അക്കൗണ്ടിലും കണ്ടെത്തിയതായാണ് റിപ്പോര്‍ട്ടുകള്‍ സൂചിപ്പിക്കുന്നത്.
Read also: ഐപിഎല്‍ വാതുവെപ്പ്; ബെംഗളൂരുവില്‍ നാലുപേര്‍ പിടിയില്‍
