ന്യൂഡെൽഹി: ഗാസയിലെ മാദ്ധ്യമ സ്ഥാപനങ്ങൾക്ക് നേരെ നടന്ന ഇസ്രയേൽ ആക്രമണത്തെ അപലപിച്ച് ഇന്ത്യൻ മാദ്ധ്യമങ്ങൾ. ഇന്ത്യൻ വുമൺസ് പ്രസ് കോർപ്പറേഷൻ, ദി പ്രസ് അസോസിയേഷൻ, പ്രസ് ക്ളബ്ബ് ഓഫ് ഇന്ത്യ എന്നിവയാണ് ആക്രമണത്തെ ശക്തമായി അപലപിച്ചത്. സംഘർഷബാധിത പ്രദേശങ്ങളിൽ മാദ്ധ്യമ പ്രവർത്തകർക്ക് നേരെയുള്ള ആക്രമണം അംഗീകരിക്കാൻ കഴിയില്ലെന്ന് സംഘടനകൾ അറിയിച്ചു.
ആക്രമിക്കപ്പെട്ട കെട്ടിടം മാദ്ധ്യമ പ്രവർത്തകരുടെ താമസസ്ഥലം കൂടിയായിരുന്നുവെന്നും ഗാസയിലെ ആക്രമണങ്ങൾ പുറംലോകത്തെ അറിയിക്കുന്നതിൽ നിന്ന് വിലക്കാനാണ് ഇത്തരം ആക്രമണം ഉണ്ടായതെന്നും സംയുക്ത പ്രസ്താവനയിൽ പറയുന്നു. നേരത്തെ ഗാസയിലെ മാദ്ധ്യമ സ്ഥാപനങ്ങൾക്ക് നേരെ ഇസ്രയേൽ നടത്തിയ ആക്രമണങ്ങൾക്ക് എതിരെ ഐക്യരാഷ്ട്ര സഭയും രംഗത്ത് വന്നിരുന്നു.
Read Also: ‘ഇത് തെറ്റാണ്; ഞങ്ങൾ കുട്ടികളല്ലേ’; ഗാസയിൽ നിന്നുള്ള പെൺകുട്ടിയുടെ വീഡിയോ വൈറലാകുന്നു