ന്യൂഡെൽഹി: ജോൺസൺ ആൻഡ് ജോൺസൺ വികസിപ്പിച്ച കോവിഡ് വാക്സിൻ ജൂലൈ മാസത്തോടെ ഇന്ത്യയിൽ ലഭ്യമാകുമെന്ന് സൂചന. യുഎസ് ആസ്ഥാനമായുള്ള നിർമാതാക്കളിൽ നിന്ന് വാക്സിൻ നേരിട്ട് വാങ്ങാനുള്ള തയ്യാറെടുപ്പിലാണ് ഇന്ത്യ. അതേസമയം, കുറഞ്ഞ അളവിൽ മാത്രമായിരിക്കും ആദ്യഘട്ടത്തിൽ ജോൺസൺ ആൻഡ് ജോൺസൺ വാക്സിൻ ഇന്ത്യയിലേക്ക് എത്തുക.
വാക്സിൻ ഇന്ത്യയിൽ തന്നെ നിർമിക്കുന്നതിനും വിപുലമായ ഉൽപാദനം നടത്താനും കമ്പനി അധികൃതർ കേന്ദ്ര സർക്കാരുമായി ചർച്ചകൾ നടത്തി കഴിഞ്ഞു. വരുംമാസങ്ങളിൽ രാജ്യത്ത് ജോൺസൺ ആൻഡ് ജോൺസൺ വാക്സിൻ സുലഭമാകാനുള്ള സാധ്യതയാണുള്ളത്. 2021 ഫെബ്രുവരിയിൽ തന്നെ വാക്സിൻ അടിയന്തിര ഘട്ടങ്ങളിൽ ഉപയോഗിക്കുന്നതിന് യുഎസ് ഫുഡ് ആൻഡ് ഡ്രഗ് അഡ്മിനിസ്ട്രേഷൻ അനുമതി നൽകിയിരുന്നു. അതേസമയം, ഡെൽറ്റ പ്ളസിനെതിരെ ജോൺസൺ ആൻഡ് ജോൺസൺ വാക്സിൻ ഫലപ്രദമാണോയെന്ന് വ്യക്തമല്ല.
Read also: കോവിഡ് വ്യാപനം; രാജ്യത്തെ ചെറുകിട സംരംഭങ്ങളിൽ കൂടുതലും നഷ്ടത്തിൽ