തിരുവനന്തപുരം : സംസ്ഥാനത്തെ എല്ലാ ജൂനിയര്‍ ഡോക്ടര്‍മാരുടെയും മുടങ്ങി കിടക്കുന്ന ശമ്പളം ഉടന്‍ വിതരണം ചെയ്യുമെന്ന് ആരോഗ്യവകുപ്പ് മന്ത്രി കെ കെ ശൈലജ അറിയിച്ചു. ഇതിനായി സംസ്ഥാന സര്‍ക്കാര്‍ നടപടികള്‍ ആരംഭിച്ചു. കഴിഞ്ഞ മൂന്നു മാസത്തെ ജൂനിയര്‍ ഡോക്ടര്‍മാരുടെ ശമ്പളമാണ് മുടങ്ങിയത്. സാങ്കേതിക പ്രശ്നങ്ങള്‍ മൂലമാണ് ശമ്പളം മുടങ്ങിയതെന്നും മന്ത്രി വ്യക്തമാക്കി.
സംസ്ഥാനത്ത് ഇപ്പോള്‍ ആകെ 868 ജൂനിയര്‍ ഡോക്ടര്‍മാരാണ് പ്രവര്‍ത്തിക്കുന്നത്. ഇവര്‍ക്ക് 42000 രൂപയാണ് ഒരു മാസത്തെ ശമ്പളമായി നല്‍കുന്നത്. മൂന്നു മാസമായി മുടങ്ങിക്കിടക്കുന്ന മുഴുവന്‍ തുകയും ഉടന്‍ വിതരണം ചെയ്യുമെന്നാണ് തീരുമാനം. ഒപ്പം തന്നെ ഇവരുടെ പ്രവര്‍ത്തനകാലാവധി നീട്ടില്ലെന്നും മന്ത്രി അറിയിച്ചു. ജോലിയില്‍ തുടരാന്‍ ആഗ്രഹിക്കുന്ന ജൂനിയര്‍ ഡോക്ടര്‍മാര്‍ക്ക് കോവിഡ് ബ്രിഗേഡില്‍ ചേരാമെന്നും മന്ത്രി കെ കെ ശൈലജ വ്യക്തമാക്കി.
Related News: കോവിഡ് പ്രതിരോധ രംഗത്തുള്ള ജൂനിയർ ഡോക്ടർമാർക്ക് പ്രഖ്യാപിച്ച ശമ്പളം 42,000; ലഭ്യമായത് 27000 !!
